Gəlin onun sözünü kəsən qayınanasını zaldan qovub - VİDEO

Kaliforniyada maraqlı bir toy hadisəsi sosial mediada trend olub.

Sonxeber.az xarici mediaya istinadən xəbər verir ki, qayınanası Cudi 29 yaşlı gəlin Anna Larrabinin ən xoşbəxt gününü məhv etməyə çalışıb.

Toy mərasimində gəlin emosional çıxış edərkən qayınana birdən ayağa qalxaraq "Oğlumun qüsurlu olduğunu deyə bilməzsən"- deyib. Gəlin daha sonra qayınanasına "Hər kəsin qüsuru var və ən çox bu səbəbdən onu sevirəm" deyərək cavab verib.

Gərginlik artdıqca gəlin qayınanasına toyu tərk etməsini deyib. Lakin qayınana "mən getməli deyiləm, geyindiyin gəlinliyin pulunu biz verdik" deyərək müqavimət göstərib və hamını həbs edəcəyi ilə hədələyib.

Gəlinin bacısı Sara bildirib ki, qayınanın uzun müddətdir bacısına nifrət etdiyini və oğlunu əlindən aldığını düşünüb. Mərasim bitdikdən sonra da toy fotoları çəkilərkən qayınana problem yaratmağa davam edib.

Bu xoşagəlməz hadisə zamanı bəy utanaraq başını aşağı salıb və anasından uzaqlaşıb. Toy qonaqları hadisəni sakitləşdirməyə çalışsalar da, buna nail ola bilməyiblər.

Vüsalə İbrahimli

Telegramda izləyin