Erməni separatçılar isterikada - sülh anlaşması yaxınlaşdıqca...

Erməni separatçılar isterikada - sülh anlaşması yaxınlaşdıqca...Separatçı tör-töküntülər guya "mövcud" olduqlarını göstərirlər; politoloqun şərhi

Noyabrın 28-də İrəvanda mifik "artsax parlamenti"nin nəzərdə tutulan iclası baş tutmayıb. Böyük ehtimalla Nikol Paşinyan hökuməti Azərbaycanın məsələyə həssaslığını nəzərə alaraq buna imkan verməyib. Ancaq belə görünür ki, "Qarabağ məsələsinin hələ bitmədiyini" iddia edən separatçı elementlər və radikal-revanşistlər təxribatlardan əl çəkmək niyyətində deyillər.

"Yaxın günlərdə qeyri-standart vəziyyətə və bəzi texniki problemlərə görə mütləq parlamentin (qondarma-red.) sessiyasını çağıracağıq. Sessiya yubanır, amma tezliklə mütləq baş tutacaq".

Bunu mifik "artsax parlamenti"nin uydurma "Ədalət fraksiyası"nın üzvü Metaxe Akopyan bildirib.

"Artsax parlamenti buraxılmayıb, bizim bütün gündəliyimiz artsax məsələsinin qapanmamasına xidmət edəcək. Ermənistanda bəzi insanlar artsax məsələsinin bağlandığına inandırmağa çalışırlar, lakin şüurlu insanlar başa düşürlər ki, bu məsələ qanunun gücü hesabına heç də bağlanmayıb. Biz öz fəaliyyətimizlə hər şeyi etməliyik ki, biz olmasaq da heç olmasa bizdən sonrakı nəsillər artsaxa qayıtmaq imkanı olsun", - Akopyan sayıqlayıb.

Saxta deputata görə, "artsax parlamenti" beynəlxalq platformalarda "artsax məsələsi"ni necə gündəmə gətirmək barədə siyasi qərar verməlidir.

Xatırladaq ki, özlərini deputat sayan separatçı-kriminalların yığışmaq istədikləri gün (noyabrın 28-i) həm Ermənistan prezidenti, həm də parlamentin spikeri bir daha bəyan ediblər ki, ölkədə "artsax institutlarına" ehtiyac yoxdur, çünki Qarabağ problemi artıq mövcud deyil. Separatçılar isə dirəşməyə davam edir.

Görəsən onlara bu cəsarəti verən kimdir? Rusiyanın da məsələdə barmağı varmı? Paşinyan iqtidarı sülh prosesinə zərbə vuracaq bu avantüristləri cilovlaya biləcəkmi? Şübhə yox ki, sülh sənədinin imzalanma ehtimalı artdıqca belə təxribatlar çoxalacaq.

Bəs separatçı ünsürlərin bu cür "fəaliyyəti" və bəyanatlarının arxasında hansı məqsədlər dayanır? Bakı buna əhəmiyyət verməlidir?

Politoloq Oktay Qasımov "Yeni Müsavat"a bildirdi ki, həm Ermənistanda, həm müxtəlif dövlətlərin nümayəndələrinin dilindən Qarabağ məsələsinin hələ bitmədiyi ilə bağlı açıqlamalar ara-sıra səslənir. Bu, Azərbaycana təzyiq etmək üçün bəzi dövlətlərin, xüsusilə də Qərbin əlində təzyiq vasitəsi kimi saxlamağa çalışmaq cəhdidir: "Həm Amerika Konqresinin bəzi üzvləri, həm Fransanın bəzi rəsmi şəxsləri, o cümlədən Qərbdəki müəyyən siyasətçilər bu termindən istifadə edərək belə fikirlər söyləyirlər. Amma həqiqət bundan ibarətdir ki, Qarabağ məsələsi artıq bitib. Ən önəmli məsələ ondan ibarətdir ki, artıq Azərbaycanın daxilində onun təhlükəsizliyinə təhdid yaradacaq hər hansı separatçı factor yoxdur, bu factor ortadan qaldırılıb. Digər tərəfdən 28 sentyabrda qondarma separatçı qurum əslində heç bir qanuni əsas təşkil eləməsə də özünü buraxdığını elan edib. Hərçənd belə qondarma qurumun yaranmasının özü qanunsuz idi. Belə ki, 1988-ci ildən 1991-ci ilin sonuna qədər Qarabağ ərazisində separatçıların qəbul etdiyi bütün qərarlar həm Azərbaycanın o zamankı Ali Soveti-Milli Məclisi, o cümlədən SSRİ dövlət qurumları tərəfindən ləğv olunub və onlar heç bir hüquqi əhəmiyyət daşımırdı. Amma bütün bunlarla bərabər bütün hallarda 28 sentyabr 2023-cü ildə separatçı qondarma rejimin rəhbərinin imzaladığı "sərəncam" da bir daha Qarabağ məsələsinin bitdiyini ortaya qoydu. Heç təsadüfi deyil ki, Ermənistanın bütün rəsmi şəxsləri, prezidenti, baş naziri, parlament sədri və digərləri Qarabağ məsələsinin bitdiyini dəfələrlə qeyd ediblər".

O ki qaldı keçmiş qondarma rejimin qondarma "parlament üzvlərinin"hansısa təşəbbüslə çıxış etmələrinə politoloq qeyd etdi ki, onların bu cür hoqqabazlıqlarının bizim üçün əhəmiyyəti yoxdur və narahatlıq doğurmur: "Ermənistanda həmin separatçıların arxasında duran qüvvələr var. Onlar revanşist Qarabağ klanıdır. Bu klanın başında dayananlar separatçılardan istifadə edərək guya Qarabağ məsələsinin bitmədiyi ilə bağlı rəy formalaşdırmağa çalışırlar. Separatçıların Ermənistanda toplanması və bu cür fikirlər irəli sürmələri yalnız Rusiyadakı hansısa qüvvələrlə bağlı deyil, onları bu istiqamətdə daha çox təhrik edən Qərb strukturlarıdır. Onlar belə rəy yaratmağa çalışırlar ki, guya keçmiş qondarma rejim hələ də yaşamaqdadır və "parlamenti" fəaliyyət göstərir. Bundan Azərbaycana qarşı təzyiq mexanizmi kimi istifadə etməyə çalışırlar. Ermənistan hakimiyyəti də maraqlı ola bilər ki, separatçıların hansısa formada özlərinin guya mövcudluğunu saxladığı görüntüsü yaransın və bu da Ermənistana danışıqlar prosesində hansısa əlavə guya ki, bəhanələr versin. Ancaq ermənilərin və onların dəstəkçilərinin nə etmələrinə baxmayaraq, əsas məsələ budur ki, Azərbaycan Qarabağ məsələsini həll edib".

Mənbə: musavat.com


Sonxeber.az Telegramda izləyin instagramda izləyin
Müharibə   Baxılıb: 557   Tarix: 02 dekabr 2023  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

İsrail PUA-ların buraxılmasına cavab olaraq Livana zərbələr endirib

İsrail ordusu PUA-ların ölkə ərazisinə buraxılmasına cavab olaraq "Hizbullah"ın Livandakı hədəflərinə zərbələr endirib. "Report"un məlumatına görə, bu barədə ordunun mətbuat xidməti xəbər yayıb. Məlumata görə, pilotsuz təyyarələr İsrailin şimalındakı Kfar-Blum və Hanita yaşayış məntəqələr

14 aprel
.

İsrailə 12 mindən çox raket atılıb

Son altı ayda İsrail Müdafiə Qüvvələri (IDF) ölkə ərazisinə Suriyadan 35, Livandan 3100 və Qəzza zolağından 9100 min (cəmi 12 235) raket atıldığını qeydə alıb. Bu barədə ordunun mətbuat xidmətinin altı aylıq müharibənin nəticələrinə görə yaydığı xülasədə deyilir. Mətbuat xidməti məlumatların dəqiq v

7 aprel
.

İsrail Ordusu təsdiqlədi: İran PUA-lar buraxıb, hamısını izləyirik

İsrail rəsmiləri İranın İsrailə doğru onlarla yürüş təşkil edərək, hücuma başladığını təsdiq ediblər. Bu barədə "Al Jazeera" məlumat yayıb. Daha əvvəl İordaniya hakimiyyət orqanları hava məkanının bağlandığını bəyan etmişdi. İsrail Müdafiə Ordusunun (SAXAL) mətbuat xidmətinin məlumatına görə

14 aprel
.

Naxçıvan istiqamətində mövqelərimiz atəşə tutulub

Aprelin doqquzu saat 16:00-dan 16:50-dək Ermənistan silahlı qüvvələrinin bölmələri Keşişkənd rayonunun Arpa yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Şərur rayonunun Cəhazir yaşayış məntəqəsi istiqamətində yerləşən mövqelərini müxtəli

9 aprel
.

İsrail ordusunun itkiləri 604 nəfərə çatıb

Qəzza sektorunda vəziyyətin gərginləşdiyi oktyabrın 7-dən bəri HƏMAS hərəkatı ilə döyüşlərdə İsrail ordusunun ümumi itkiləri 604 nəfərə çatıb. "Report" xəbər verir ki, bu barədə İsrail Müdafiə Qüvvələrinin mətbuat xidmətinin rəsmi məlumatında deyilir. Son məlumatlara görə, ötən şənbə Qəzz

7 aprel
.

KİV: Slavyansk neftayırma zavoduna hücumu Ukrayna Təhlükəsizlik Xidməti təşkil edib

Rusiyanın Krasnodar diyarında yerləşən Slavyansk neftayırma zavoduna hücumu Ukrayna Təhlükəsizlik Xidməti (UTX) təşkil edib. "Report" xəbər verir ki, bunu "Hromadske"yə hüquq-mühafizə orqanlarındakı mənbə bildirib. Həmsöhbətin sözlərinə görə, "artıq uğurlu hücum haqqında danışma

17 mart
.

DƏHŞƏTLİ GÖRÜNTÜ: İranın atdığı raket İsrail vətəndaşını vurdu - ANBAAN VİDEO

Sosial şəbəkədə dəhşətli görüntülər yayılıb. bildirir ki, İranın ötən gecə atdığı raketlərdən biri səmanı şəkən İsrail vətəndaşını vurub. Sözügedən vieonu təqdim edirik:

14 aprel
.

Ukrayna bir həftədə Rusiyanın 4,5 min əsgərini məhv etdi

Ukrayna müdafiəçiləri həftə ərzində təxminən 5420 Rusiya hərbçisini məhv edib, 1088 texnikasını sıradan çıxarıb. -a istinadən xəbər verir ki, bu barədə Ukrayna Silahlı Qüvvələrinin Quru Qoşunları komandanı Aleksandr Pavlyuk Teleqram kanalında yazıb. "24-31 mart tarixlərində Ukrayna Rusiya ordusunu

31 mart
.

İranın İsrailin Qırmızı dənizdəki ən böyük bazasına hücumu gözlənilir - KİV

İran İsrailin Qırmızı dənizdəki ən böyük bazasına hücum edə bilər. Bu barədə Səudiyyə Ərəbistanının yerli telekanalı məlumat yayıb. Həmin baza Eritreya yaxınlığındakı Dahlak arxipelaqında yerləşir və Qırmızı dənizin bu hissəsindən keçən gəmiləri izləmək üçün istifadə olunur. İranın digər mümkün zərb

14 aprel