Hərbçilərin pensiya təminatı ilə bağlı layihə ilk oxunuşdan keçib

Hərbçilərin pensiya təminatı ilə bağlı layihə ilk oxunuşdan keçibMilli Məclisin bu gün keçirilən plenar iclasında "Hərbi qulluqçuların statusu haqqında", "Hərbi xidmətkeçmə haqqında" Əsasnamə"nin təsdiq edilməsi barədə", "Əmək pensiyaları haqqında" və "Hərbi vəzifə və hərbi xidmət haqqında" qanunlara dəyişiklik layihəsi birinci oxunuşda qəbul edilib.

Sonxeber.az-ın xəbərinə görə, layihə hərbi qulluqçuların pensiya hüququ, təhsil almaq hüququ və xidmət keçmə müddətləri ilə bağlı dəyişiklikləri nəzərdə tutur.

Azərbaycan ərazisində fəaliyyət göstərən bir çox ali təhsil müəssisələrində qiyabi təhsilin mövcud olmaması səbəbindən və Azərbaycan Respublikasının Silahlı Qüvvələrinin peşəkar, bilikli və bacarıqlı hərbi qulluqçularla komplektləşdirilməsi məqsədilə "Hərbi qulluqçuların statusu haqqında" Azərbaycan Respublikasının Qanununa müvafiq dəyişlikliyin edilməsi təklif olunur. Dəyişikliyə əsasən hərbi qulluqçular müvafiq icra hakimiyyəti orqanının rəsmiləşdirilmiş icazəsi olduqda mülki təhsil müəssisələrində təhsil ala biləcəklər.

Bundan başqa, dövlət vəsaiti hesabına Azərbaycanda və xarici ölkələrdə ali təhsil almış və Azərbaycan Respublikasının Silahlı Qüvvələri üçün hazırlanmış zabitlərin əldə etdikləri peşəsi və bilikləri ilə Silahlı Qüvvələrə töhfə verməsinin və təcrübələrinin gənc zabitlərlə bölüşməsinin təmin edilməsi məqsədilə "Hərbi vəzifə və hərbi xidmət haqqında" qanuna və Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş "Hərbi xidmətkeçmə haqqında" Əsasnamədə dəyişikliklərin edilməsi təklif olunur. Belə ki, zabitlərin həqiqi hərbi xidmət dövründə Azərbaycanın və xarici ölkələrin ali təhsil müəssisələrində təhsilalma müddəti, eləcə də ixtisasartırma, kadrların yenidən hazırlanması, stajkeçmə və kadrların təkmilləşdirilməsi üzrə əlavə təhsil müddəti bir ildən çox olduqda öz arzusu ilə ehtiyata buraxılma üçün nəzərdə tutulmuş 10 il müddətinə daxil edilməyəcəkdir.

Qadınların həqiqi hərbi xidmətdə olmalarının yaş hədləri ilə bağlı "Hərbi vəzifə və hərbi xidmət haqqında" Qanunla "Hərbi xidmətkeçmə haqqında" Əsasnamə arasında ziddiyyətin aradan qaldırılması, gender bərabərliyinin Silahlı Qüvvələrdə də təmin edilməsi məqsədilə qadınların həqiqi hərbi xidmətdə ehtiyatda olmalarının son yaş hədlərinin kişi cinsli hərbi qulluqçularla bərabərləşdirilməsi məqsədəuyğun hesab edilir.

Deputat qeyd edib ki, qanun layihəsində müddətdən artıq həqiqi hərbi xidmət hərbi qulluqçuları, gizirlər və miçmanlar üçün dinc dövrdə həqiqi hərbi xidmətdə olmağın son yaş həddinin 45-dən 48-ə artırılması təklif olunur. Bu dəyişikliyin əsas məqsədi adıçəkilən hərbi qulluqçuların hərbi qulluqçu kimi pensiyaya çıxmaq üçün minimum xidmətkeçmə müddətində (25 təqvim ili ərzində) hərbi xidmətdə olmalarının təmin edilməsi, habelə onların təcrübəsindən daha səmərəli və uzun müddət yararlanmaqdır.

Qanun layihəsində yuxarıda qeyd olunan dəyişikliklərlə yanaşı dövlət tərəfindən yetişdirilməsinə zaman və resurs sərf edilmiş hərbi qulluqçuların formalaşmış təcrübəsindən daha uzun müddət istifadə etmək məqsədilə hərbi qulluqçu kimi pensiyaya çıxmaq üçün minimum xidmətkeçmə tələbinin 20 təqvim ilindən 25 təqvim ilinə çatdırılması təklif olunur. Qeyd olunan dəyişiklik hərbi qulluqçuların pensiya təminatında hər hansı azalmanı istisna etməklə, bir sıra qurumların hərbi qulluqçularının pensiya təminatında artımı nəzərdə tutur.

Belə ki, minimum xidmət müddətinin artırılması ilə yanaşı həmin dövrə görə qulluq stajına görə əlavənin faizinin də 50-dən 65-ə qaldırılması təklif edilib. Qanun layihəsinin 2024-cü il yanvarın 1-dən qüvvəyə minməsi nəzərdə tutulur.

Bundan başqa, layihədə 20 təqvim ili hərbi xidmət müddətinin tamamlamasına ən çoxu 3 təqvim ili qalmış hərbi qulluqçulara, habelə qanun layihəsi qüvvəyə mindiyi tarixədək 20 təqvim ili və daha çox hərbi xidmət etmiş hərbi qulluqçular 25 təqvim ili hərbi xidmət müddətini tamamlayanadək hərbi xidmətdən buraxıldıqda, onlara da "Əmək pensiyaları haqqında" qanunun 2024-cü il yanvarın 1-dək qüvvədə olan normaları tətbiq ediləcəkdir. Bu normalar hərbi qulluqçuların qazanılmış hüquqlarından istifadəsinə hərtərəfli imkan verəcək.


Sonxeber.az Telegramda izləyin instagramda izləyin
Sosial   Baxılıb: 1487   Tarix: 05 dekabr 2023  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

Salyan xəstəxanasına yeni direktor təyin edildi

Səmədova Şirinxanım Vaqif qızı Salyan Mərkəzi Rayon Xəstəxanası Publik Hüquqi şəxsin direktoru təyin olunub. "Report"un Aran bürosunun məlumatına görə, bu barədə müvafiq əmr imzalanıb. Qeyd edək ki, tibb müəssisəsinin əvvəlki direktoru Ramil Qasımov idi

24 fevral
.

Bu rayona yeni polis rəisi təyin olundu

Göygölə yeni polis rəisi təyin olunub. APA-ya istinadla xəbər verir ki, bununla bağlı müvafiq əmr imzalanıb. Əmrə əsasən, İsmayıllı rayon Polis Şöbəsinin rəisi polkovnik Şəmşir Kazımov tutduğu vəzifədən azad edilərək, Göygöl rayon Polis Şöbəsinə rəis təyin edilib

24 fevral
.

Bakıda naməlum şəxs küçədə 31 yaşlı kişini bıçaqladı

Bakının Nizami rayonunda bıçaqlanma baş verib. APA xəbər verir ki, olay Qara Qarayev prospektində qeydə alınıb. 1993-cü il təvəllüdlü Rüfət Fərman oğlu Qurbanlı küçədə gedərkən naməlum şəxsin hücumuna məruz qalıb və o, bıçaqlanıb. Yaralı xəstəxanaya çatdırılıb

24 fevral
.

Firəngiz Mütəllimova Rasim Balayevə yazdığı məktubundan danışdı: "Onu hələ də saxlayıb, cırıb atmayıb"

"Dəvətlər gəlir, amma hər seriala çəkilmək istəmirəm. Bundan sonra yalnız mən seçim edəcəyəm, məni seçməyəcəklər. Demək olar ki, sənətdə addımlayandan özüm seçim edirəm. Səmimi deyim, "Bəyin oğurlanması" filmindən sonra nəyəsə çəkilməyə dəyərdi? Əlbəttə ki, yox! Elə o bəsdir də. Sonr

24 fevral
.

14 dərəcəyədək şaxta olub - Faktiki hava

Bu gün saat 10:30-a olan məlumata əsasən, ölkə ərazisində hava şəraiti arabir yağıntılı olub, dağlıq rayonlarda qar yağıb. xəbər verir ki, bu barədə Milli Hidrometeorologiya Xidməti məlumat yayıb. Bildirilir ki, qar örtüyünün hündürlüyü Şərurda 5 sm, Şahdağda 4 sm, Qrızda 3 sm, Qobustanda 1 sm olub

24 fevral
.

Laçın hava limanından möhtəşəm görüntülər - VİDEO

İşğaldan azad edilmiş Laçın hava limanından kadrlar yayılıb. İTV-yə istinadən xəbər verir ki, dronla çəkilən kadrlarda Laçının hündürlükdən çəkilmiş eksklüziv görüntülərini görmək mümkündür. Həmin videonu təqdim edirik:

24 fevral
.

Hərbi vəzifəlilər atəşin aparılması üzrə tapşırıqları icra ediblər - VİDEO

Hərbi vəzifəlilər atəşin aparılması üzrə tapşırıqları icra ediblər. xəbər verir ki, bu barədə Müdafiə Nazirliyi məlumat yayıb. Qeyd olunub ki, bu ilin döyüş hazırlığı planına əsasən, "N" hərbi hissəsində bir qrup hərbi vəzifəlinin iştirakı ilə təlim toplanışı keçirilib. Plana uyğun olaraq hərb

24 fevral
.

BDYPİ sürücülərə müraciət etdi

Baş Dövlət Yol Polisi İdarəsi (BDYPİ) sürücülərə müraciət edib. xəbər verir ki, müraciətdə yollarda sürət həddinə riayət etməyin yalnız sürücülərin deyil, ətrafdakı hər kəsin təhlükəsizliyini təmin etdiyi bildirilir. "Bir neçə saniyə avtomobili sürətli idarə etmək həyatınızı riskə atmaq deməkdir

24 fevral
.

Bakıda küçədə kişini bıçaqladılar

Bakının Nizami rayonunda bıçaqlanma baş verib. -a istinadən xəbər verir ki, olay Qara Qarayev prospektində qeydə alınıb. 1993-cü il təvəllüdlü Qurbanlı Rüfət Fərman oğlu küçədə gedərkən naməlum şəxsin hücumuna məruz qalıb və o, bıçaqlanıb. Yaralı xəstəxanaya çatdırılıb

24 fevral