Ayağını müharibədə itirdi, tatu sənətini öyrəndi - VİDEO

Qazi Faiq Hüseynəliyev Vətən müharibəsinin qəhrəmanlarından biridir.

Sonxeber.az xəbər verir ki, müalicə olunduğu zamanlardan ruhdan düşməyib. Yeni işlər ilə yaxından maraqlanır və döymə dənətini öyrənib. Faiq Hüseynəliyev "İTV Xəbər Yekun"a 44 günlük müharibə zamanı yaşadıqlarından danışıb:

" 26 oktyabr bizə tapşırıq gəLdi - Xocavənd ərazisi, Qırmızı qəsəbə! İrəlilədik. Saat 5-6 radələri idi. İlk olaraq topuqdan, daha sonra isə dizdən aşağı snayperlə yaralandım. Sürünərək arxaya çıxdım. 29 oktyabrda isə bizi oradan çıxartdılar. "Kaş ki" heç vaxt deməmişəm. Çünki, peşman olacağım bir şey deyil. Ən azından ayağımı nəinsə uğrunda itirmişəm. Qürürlu bir hiss ilə itirmişəm. Ona görə peşman deyiləm".

Faiq yaranlandıqdan sonra təxminən 6 ay yataqda qalıb. Bir neçə dəfə əməliyyat olunub və döymə sənətini həmin vaxt öyrənib. Onun sözlərinə görə, bu sənət 21 yaşında ayağını itirən gəncin yenidən həyata bağlanmasına kömək edib:

" Ailəm və həyat yoldaşım mənim ən böyük dəstəkçilərimdir. Mən onlara görə hazırda güclüyəm"

Daha ətraflı süjetdə:

Telegramda izləyin