"Fevralın 7-də keçiriləcək seçkilərin bizim üçün böyük əhəmiyyəti var" - DEPUTAT

"Növbədənkənar Prezident seçkiləri dövlət başçımızın özünə inamının və xalqın siyasi dəstəyinə əminliyinin bariz göstəricisidir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, növbədənkənar Prezident seçkilərinə cəmi 1 ay vaxt qalıb:

"2018-ci ildə də ölkəmizdə keçirilən növbədənkənar Prezident seçkiləri uğurla başa çatmışdı. Əminəm ki, fevralın 7-də keçirləcək keçirilən növbədənkənar Prezident seçkiləri də uğurla nəticələnəcək. Fevralın 7-də keçiriləcək seçkilərin bizim üçün əhəmiyyəti böyükdür. Çünki müasir Azərbaycan tarixində ilk dəfə olaraq bütün ölkə ərazisində seçkilər keçiriləcək. Ən önəmlisi isə doğma torpaqlarından qovulan soydaşlarımız qalib ölkənin vətəndaşları ki, öz dədə-baba yurdlarında səs verəcəklər.

44 günlük Vətən Müharibəsi və 2023-cü ilin antiterror tədbirləri nəticəsində tək ərazi bütövlüyümüz və suverenliyimiz bərpa olunmadı.Həm də regionda və ölkəmizdə yeni reallıqlar yarandı. Bu baxımdan düşünürəm ki, növbədənkənar seçkilər ərazi bütövlüyümüzün və suverenliyimizin təsbitidir".

Deputat vurğulayıb ki, cənab prezident İlham Əliyevin bütün sahələrdə apardığı uğurlu və uzaqgörən siyasəti nəticəsində bu gün Azərbaycan regionda və beynəlxalq aləmdə öz layiqli yerini davamlı olaraq inkişaf etdirməkdədir:

"Məhz ona görə də bu gün xalqımız ölkəmizin uğurlu gələcəyini cənab prezident İlham Əliyev ilə görür. Cənab prezident İlham Əliyev ilk dəfə ölkə başçısı seçilən zaman üçrəngli bayrağımızın bütün Azərbacan torpaqlarında dalğalanacığı sözünü vermişdi. Elə də oldu. Bu gün bütün Azərbaycan torpaqlarında üçrəngli bayrağımız dalğalanır. Hazırda Qarabağa qayıdış siyasəti uğurla həyata keçirilir. Vətəndaşlarımız növbəli şəkildə öz torpaqlarına geri qayıdır. Qısa müddət ərzində Qarabağ və Şərqi Zəngəzurda aparılan bərpa və yenidənqurma işləri göz önündədir. Hələ qarşıda bizi çətin və böyük işlər Bundan sonra da qarşıya qoyduğumuz hədəflərə çatmağımız üçün fevralın 7-də növbdənkənar prezident seçkilərində aktiv olmalı, seçimimizi doğru etməli və ölkəmizin parlaq gələcəyinə səs verməliyik".

Telegramda izləyin