6 yaşa qədər uşağı olan ailələrə uşaq pulu bərpa edilə bilər? - AÇIQLAMA

Sosial yardım çətin vəziyyətdə olan ailələrə və insanlara göstərilən dövlət dəstəyidir. "Uşaq pulu" adlanan ödəniş isə xüsusən yeni doğulan və yeniyetmə yaşına çatmayan uşaqlı ailələrə edilən yardımdır. Azərbaycanda hər bir uşağa "uşaq pulu" verilməsi tələbi illərdir gündəmdən düşməyən müzakirə mövzusudur. Sosial təminatı aşağı olan və 3- 6 yaşa qədər uşaqları olan ailələrə uşaq pulu bərpa edilə bilərmi?

Mövzu ilə bağlı iqtisadçı ekspert Xalid Kərimli Sonxeber.az-a bildirib ki, hökumət bu istiqamətdə dəfələrlə bəyan edib ki, hərhansı bir dəyişiklik nəzərdə tutmur və gözlənilmir:

"Sosial təminatı aşağı olan ailələrə hökumət tərəfindən ünvanlı sosial yardımlar verilir. Ünvanlı sosial yardımları verməkdə məqsəd uşaqların təminatını yaxşılaşdırmaqdan ibarətdir. Hökumət uşaq pulu anlayışından imtina edib. Çünki uşaq pulu ondan ibarətdir ki, varlı və kasıb uşaq var. Bunun birdəfəlik kütləvi şəkildə hamıya verilməsi doğru olmazdı. İkincisi ölkə əhalisinin artım problemi yoxdur ki, belə bir yardım nəzərdə tutulsun. Ünvanlı sosial yardım hökumətin əsas məqsədidir. Amma ünvanlı sosial yardımın sosial təminatı aşağı olan uşaqlara da verilməsi nəzərdə tutulur. Ünvanlı sosial yardım aztəminatlı şəxslərin vəziyyətinin yaxşılaşdırılmasıdır. Yaşından asılı olmayaraq buraya uşaqlar ilə bərabər böyüklər və yaşlılar da var.".

Ekspertin sözlərinə görə, ölkədə ünvanlı sosial yardımın təkmilləşdirilməsinə ciddi ehtiyac var:

" Həqiqətən ehtiyacı olan şəxslərə çatdırılmasına, əlçatanlığın təmin edilməsinə ehtiyac var. Bu barədə düşünürəm ki ünvanlı sosial yardımın həqiqətən ehtiyacı olan şəxslərə çatdırılması üzərində işlər görülməlidir. Amma uşaq pulu verilməsi məsələsi gözlənilmir və gözləməyə də ehtiyac yoxdur. Kütləvi ödənişlər düzgün deyil. Hamıya sosial yardım paylamaq doğru deyil. Çünki ehtiyacı olmayan uşaqlarda çoxdur".

Sevda Səfərova

Telegramda izləyin