"Televiziyalarda qaynar xətt xidmətləri barədə məlumatlar mütəmadi yayımlanmalıdır" - Mehriban Zeynalova

Qız uşaqlarının erkən və zorakı nikaha cəlb edilməsi cəmiyyətin aktual problemidir. Bu zaman qız uşaqları təhsildən uzaqlaşdırılır eyni zamanda ailə məsuliyyətini dərk etmədən belə bir ağır yükü daşımaq məcburiyyətində qalır. Bəs zorakı evliliklərin qarşısı necə alına bilər? Bununla bağlı hansı tədbirlər atılmalıdı?

Məsələ ilə bağlı Qadın və Uşaq Sığınacağın rəhbəri Mehriban Zeynalova Sonxeber.az-a açıqlama verib.

O bildirib ki. TV, radio və s mənbələrdə qaynar xətt xidmətləri barədə məlumatlar mütəmadi yayılmalıdır:

"Bütün günü sosial şəbəkə müxtəlif mənbələrdə məcburi evliliyin cinayət olduğu deyilir. Müxtəlif qaynar xəttlər var ki, məcburi evləndirilən şəxs bu nömrələrə zəng vurub hadisə ilə bağlı məlumat verə bilir. Əgər bu cinayətlərin qarşısını almaq üçün xidmət paketi olmasaydı, onda düşünülərdi ki, həmin şəxs üçün əlçatan heç nə yoxdur. Sadəcə məlumatlandırma xidmət paketləri ilə bağlı tebliğat gücləndirilməlidir. Televiziyalarda radio və s mənbələrdə qaynar xətt xidmətləri barədə məlumatlar mütəmadi yayılmalıdır".

Qeyd edək ki, Azərbaycanda baş tutan toy mərasimində gənc qızın zorla ərə verildiyini əks etdirən kadrlar yayılıb. Polis qızın bu izdivaca məcbur edildiyinin aydın şəkildə göründüyü sözügedən kadrlarla bağlı artıq araşdırmaya başlayıb.

Telegramda izləyin