"Keçirilən bütün seçkilərdə mətbuat hər zaman əsas rol oynayır" - Məzahir Pənahov

"Mətbuat çalışmalıdır ki, seçki proseslərini izləməklə yanaşı, seçki prosesindəki çatışmazlıqları da yaxından araşdırsın".

Sonxeber.az xəbər verir ki, bunu Mərkəzi Seçki Komissiyasının (MSK) sədri Məzahir Pənahov Bərabər seçkiqabağı təşviqat imkanları və media subyektlərinin seçkilərdə fəaliyyətinin əsaslarına həsr edilən müşavirədə çıxışı zamanı deyib.

Məzahir Pənahov bildirib ki, Azərbaycanda keçirilən bütün seçkilərdə mətbuat hər zaman əsas rol oynayır:

"Ona görə də KİV-lərlə keçirilən tədbirlər böyük önəm kəsb edir".

Məzahir Pənahov vurğulayıb ki,seçkilər demokratiyanın əsas meyarı hesab olunur:

"Ona görə də bu prosesə kənar müdaxilələr edilməyə çalışılması sirr deyil. Bu baxımdan seçki prosesində hər kəs məsələlərə birinci vətəndaş instinkti ilə yanaşmalıdır. Vətən müharibəsindən sonra bir çox məsələlərin şahidi olduq. Hər birimiz bu məsələdə özümüzü məsuliyyətli tərəf kimi hiss etməli və ölkəmizə qarşı mənfi yanaşmaların qarşısının alınmasında əlimizdən gələni etməliyik".

Gülcahan Məmmədova

Telegramda izləyin