"18 yaşına çatmamış vətəndaşlar təşviqatla məşğul ola bilməzlər" - Fuad Cavadov

"6 fevral 2024-cü ildə təşviqat prosesi başa çatacaq. Vətəndaşlara bir gün vaxt veriləcək. Həmin gün xalq kimə səs verəcəyinə qərar verməlidir".

Sonxeber.az xəbər verir ki,bunu bərabər seçkiqabağı təşviqat imkanları və media subyektlərinin prezident seçkilərində fəaliyyətinin əsaslarına həsr olunan müşavirədə Mərkəzi Seçki Komissiyasının üzvü Fuad Cavadov deyib.

O, bildirib ki, vaxtından əvvəl təşviqat kampaniyasına başlanılmamalıdır:

"18 yaşına çatmamış vətəndaşlar isə təşviqatla məşğul ola bilməz".

Fuad Cavadov vurğulayıb ki, medianın seçki prosesində iştirakı seçkilər elan olunandan sonra başlayır:

"Seçkilər zamanı mediada gedən informasiyalar birbaşa seçki fəallığına təsir edən faktorlardan biridir. Qanun konkret olaraq təşviqatla məşğul olan dairəni müəyyən edir. Qanunda konkret olaraq təşviqatla məşğul ola bilməyən dairələrin də subyektləri müəyyən olunub. Xarici KİV, QHT-lər, kapitalının 30 %-i xarici şirkətə məxsus olan Azərbaycanda olan qurumlar da təşviqatla məşğul ola bilməz. Eyni zamanda təşviqat aparanlar və mətbuat orqanları ilə bağlı da məhdudiyyətlər var".

Gülcahan Məmmədova

Telegramda izləyin

instagramda izləyin