Fransa məhsullarının Azərbaycana gətirilməsi qadağan oluna bilər? - AÇIQLAMA

Bildiyimiz kimi, Fransanın Azərbaycana qarşı təxribat xarakterli bəyanatları davam edir. Fransanı beynəlxalq aləmdə güc olduğunu və hansısa maraqlarına, digər məsələlərə dair mübarizə apardığını göstərməyə çalışır. Lakin qarşı tərəf bunu anlamalıdır ki, bu vəziyyət Fransanın siyasi-iqtisadi nüfuzuna zərbə vura bilər. Bu məqamda maraqlı bir sual yaranır. Fransanın qərəzli siyasətinə qarşı məhsullarının gətirilməsinə qadağa qoyula bilər?

Mövzu ilə bağlı iqtisadçı, Milli Məclisin deputatı Vüqar Bayramov Sonxeber.az-a açıqlama verib:

"Fransa Azərbaycana qarşı qərəzli mövqeyini və siyasətini davam etdirir. Qafqaz regionunda gərginliyin yaradılmasında maraq görünür. Azərbaycan bu tip təhdidlərə cavab vermək gücündə olan bir ölkədir. Praktiki olaraq əvvəlki dövrlərdə də belə təhdidlər Azərbaycan tərəfindən dəf edilib. Fransa və Azərbaycan arasında iqtisadi əlaqələrə gəldikdə isə nəzərə alaq ki, ticarət dövriyyəsini özəl şirkətlər formalaşdırır. Özəl şirkətlər Fransadan idxal və ixrac həyata keçirirlər. Bu isə özəl şirkətlərin verəcəyi qərardır. İdxal və ixrac ilə bağlı müstəqil olaraq qərar vermək hüququna malikdirlər. Bu baxımdan daha məqsədəuyğun olan isə Fransanın Azərbaycana qarşı qərəzli siyasətindən əl çəkməsi və bütövlükdə normallaşdırma prosesinə start verməsi olardı. Əfsuslar olsun ki, bu müşahidə olunmur. Amma ticari əlaqələr və Fransadan Azərbaycana idxal, Azərbaycan Fransaya isə ixracat özəl şirkətlər tərəfindən verilən qərar olduğuna görə onların qənaəti olmalıdır".

Qeyd edək ki, prezident Makronun apardığı daxili-xarici siyasət bu gün Fransa üçün çox ciddi problemlər yaradır. Eyni zamanda Fransa bu cür məsuliyyətsiz bəyanatlar vermək əvəzinə normallaşma və qarşılıqlı əməkdaşlığa əməl etsə daha yaxşı olardı.

Sevda Səfərova

Telegramda izləyin

instagramda izləyin