Yanlış evə basqın polis körpənin həyatını riskə atdı!

ABŞ-nin Ohayo ştatında polis yanlış evə basqın edərək ürək xəstəliyindən əziyyət çəkən 17 aylıq körpənin həyatını təhlükəyə atıb.

Sonxeber.az xarici mənbəyə istinadən xəbər verir ki, ABŞ-nin Ohayo ştatında polis ötən çərşənbə günü silahla bağlı cinayətə görə axtarışda olan gəncin evinə basqın etmək istəyib. Adı açıqlanmayan gənc evdən köçüb və ev Reida Cenninqsə satılıb.

Ürəyində problem olan və süni nəfəs aparatında olan körpənin gələn ay Ohayo ştatında əməliyyat olunması nəzərdə tutulub.

Lakin polis yanlış evə basqın edərək körpənin həyatını riskə atıb. Polis basqın zamanı pəncərədən 2 səs bombası atıb.

Vəziyyət başa düşüləndən sonra uşaq təcili yardım maşını ilə xəstəxanaya aparılıb və bir neçə saatdan sonra evə buraxılıb. Körpənin qanında oksigenin səviyyəsi aşağı düşüb və ertəsi gün yenidən xəstəxanaya yerləşdirilərək reanimasiyaya aparılıb.

Körpənin gələn aya planlaşdırılan ürək əməliyyatı da hazırkı vəziyyəti ilə əlaqədar təxirə salınıb.

Polis isə istifadə edilən silahların yanıqlara səbəb olmadığını və tərkibində bibər qazı yaxud kimyəvi maddələrin olmadığını iddia edib.

Telegramda izləyin