Liftlərdə yoxlanış prosesi necə olur? - AÇIQLAMA

Xəbər verdiyimiz kimi, dünən axşam saatlarında Xətai rayonu, Gəncə prospekti 2980/81 ünvanında liftdə qəza baş verib. Hadisə nəticəsində 4 nəfər xəsarət alıb.

Liftlərə texniki xidmət liftin təhlükəsizliyi üçün vacibdir. Liftləri quraşdıran qurumların vəzifə borcudur ki, onların istismar müddətinə nəzarət eləsin, nasazlıq olarsa vaxtında aradan qaldırılsın.

Bəs liftlərdə yoxlanış prosesi necə olur?

Mövzu ilə FHN Sənayedə İşlərin Təhlükəsiz Görülməsi və Dag-Mədən Nəzarəti Dövlət Agentliyi ilə əlaqə saxladıq.

Qurumdan qazan, qaldırıcı və energetika qurğularında işlərin təhlükəsiz görülməsinə nəzarət müfəttişliyinin rəisi Sahil Mənsimov məlumat bildirdi ki, quraşdırılmış bu tip avadanlıqlara səriştəli texniki xidmətin göstərilməsi beynəlxalq normalar və ölkəmizdə qüvvədə olan qanun və normativlər tərəfindən tələb olunur:

"İstismarda olan liftlərin quruluşu və təhlükəsiz istismar qaydalarının tələblərinə uyğun olaraq 12aydan bir sahibi tərəfindən və ya liftlər müqavilə əsasında xidmət göstərən sınaq olunaraq istismarına icazə verilməlidir. Agentlik tərəfindən Ədliyyə nazirliyinin vahid reyestrindən çıxarış əsasında dövri olaraq texniki müayinə aparılır aşkar olunmuş qüsurlar haqqında akt tərtib edilir və icrası tərəfimizdən nəzarətə götürülür. Əlavə olaraq liftlər haqqında vətəndaşlardan daxil olmuş şikayətlər və mediada verilmiş məlumatlar əsasında texniki müayinələr aparılır. Aşkar olunmuş qüsurların cavabdeh şəxslər tərəfindən aradan qaldırılması nəzarətə götürülür"./BiG.AZ

Telegramda izləyin