Bədəni yanan Rüqəyyanın anası: "Bir övladımı itirmişəm, ikincini itirməkdən çox qorxuram" - FOTO

Bir yaşlı Rüqəyyanın yardıma ehtiyacı var.

Bu barədə Oxu.Az-a onun anası Gülpəri Abdullayeva məlumat verib.

O bildirib ki, sentyabr ayının 29-da qaynar çaydanın aşması nəticəsində övladının üzərinə isti su dağılıb və o yanıb:

"Biz Goranboy rayonunda yaşayırıq. Hadisə sentyabrın 29-da baş verdi. Rüqəyya iməkləyərək qaynar çaydanı dartdı və isti su onun üzərinə dağıldı. Hadisədən dərhal sonra xəstəxanaya yollandıq. Bizi Bakıda yerləşən xəstəxanalardan birinə göndərdilər. Bir müddət orada müalicə alsaq da, hazırda evimizə qayıtmışıq. Rüqəyyanın müalicəsi üçün hazırda 600 manata ehtiyacımız var".

Gülpəri Abdullayeva Rüqəyyanın onun tək övladı olduğunu bildirib.

"Mənim bir övladım iki il öncə leykoz xəstəliyindən dünyasını dəyişib. Onu itirəndə dünya başıma yıxılmışdı. Daha sonra Rüqəyya dünyaya gəldi. İndi isə o yanıb. Vəziyyəti çox ağırdır, dayanmadan ağlayır. İmkansızlıqdan sarğılarını dəyişmək üçün bint belə ala bilmirik. Yardımsevər şəxslərdən mənim övladıma dəstək olmalarını xahiş edirəm".

Ailə ilə əlaqə: (050) 976-69-36.

Kapital Bank: 4169 7388 8915 1027.

Telegramda izləyin