Azərbaycanda qadın komandirlərin sayı niyə azdır? - AÇIQLAMA

Müasir ordularda qadınların ordudakı rolu həmişə mübahisəli məsələ olub. Qadınların könüllü hərbi xidmətə qoşulması nümunələri bir çox ölkələrdə var. Eyni zamanda Azərbaycanda qadın hərbi qulluqçuların olması məsələsi qanunvericilikdə tənzimlənir. Bəs Azərbaycanda qadın komandirlərin sayı niyə azdır?

Mövzu ilə bağlı hərbi ekspert Elxan Şıxəliyev Sonxeber.az-a açıqlama verib. Azərbaycan Silahlı Qüvvələridə "Hərbi xidmət keçmək" haqqında əsasnaməyə əsasən xanımlar hərbi xidməti könüllülük və bağlaşma əsasında keçirlər:

"Onların zabit, gizir və müddətdən artıq hərbi xidmət edən qadınlar kateqoriyaları var. Ümumi götürdükdə, Azərbaycan Silahlı Qüvvələrində mindən yuxarı qadın hərbi qulluqçu bu və ya digər kateqoriyalarda hərbi xidməti keçirlər. Təbii ki, hərbi xidmət keçmək istiqamətində adətən qadınlar daha çox qadınyönümlü ixtisaslar seçirlər. Qadınyönümlü ixtisaslar burada tibbi personal, aşpaz, kargüzarlıq və s. kateqoriyalarıdır. Bu səbəbdən sırf qadınların zabit kateqoriyası üzrə gələcəkdə komandiri, bölük komandiri, tabor komandiri, briqada komandiri olma yönündə arzularına daha çox bağlıdır. Bu istiqamətdə qadınlar əsas prioritet olaraq adıçəkilən ixtisasları seçdikləri üçün komandirlər heyətində təsəvvür etdiyimiz qədər çox deyillər. Yəni ən azından taktiki operativ səviyyəyə gəlib komandirlik edəcək vəzifələri tutmaq üzərindən sayları azdır".

Sevda Səfərova

Telegramda izləyin