Siqaret çəkən uşaqları hansı cəza gözləyir? - AÇIQLAMA

Sosial, psixoloji və genetik faktorların birləşməsi nəticəsində siqaret çəkmə vərdişi daha çox uşaqlıq və yeniyetməlik dövründə baş verir. Artıq azyaşlıların, məktəb çağında olan yeniyetmələrin siqarət çəkdiyinin şahidi oluruq. Bəs yetkinlik yaşına çatmayan uşaqlar yaxud valideynləri cəzalandırıla bilər?

Məsələ ilə bağlı hüquqşünas Şamil Paşayev Sonxeber.az-a açıqlama verib. Onun sözlərinə görə, qanunvericiliyimizdə nəzərə almaq lazımdır ki, yetkinlik yaşına çatmayan şəxslərin siqaret çəkmək üçün bağlı hər hansı bir cəza, inzibati tədbir nəzərdə tutulmayıb:

"Burada yalnız tütün siqaret məmulatlarını uşaq, yetkinlik yaşına çatmayan şəxslərə satmaqda, onları bu işə cəlb etməkdə nəzərdə tutulan inzibati xətalar var. Bundan başqa, siqaret çəkən, tütün məmulatlarından istifadə edən uşaqların valideynlərin cəzalandırılması ilə bağlı tədbir yaxud cərimə yoxdur. Bunu yalnız qanunvericiliyimizdə xırda xuliqanlığa, yetkinlik yaşına çatmayan uşaqların törətdiyi inzibati əməllərə görə valideynlər cərimə oluna bilər. Qanunvericilikdə hərhansı bir qadağanedici, sanksiyalaşdırılmış müddəanın əlavə edilməsindən başqa siqaretdən, bıçaqdan, kriminaldan uzaq durmasının ən yaxşı yolu ancaq təhsil, təlim-tərbiyə işlərinin düzgün aparılmasıdır".

Şamil Paşayevin sözlərinə görə, konkret olaraq, məktəblər, bağçalar, ailələr uşaqlar bir tədbir görə bilərlər:

" Bu gün uşaqlar arasında "kriminal avtoritetlər"ə, radikal dini düşüncəli şəxslərə qarşı maraq günü-gündən artmaqdadır. Biz bunu sosial media hesablarındakı hər hansı ağlamalı videonun təsiri altında danışan şəxslərdə görürük. Eyni zamanda"kriminal avtoritet"lərin, "kriminal dünya" adamlarına olan şəxslərə özünü bənzətmə kimi halların şahidiyik. Bütün bunlar ilə bağlı təbii ki, bir nömrəli mübarizə aparmalı yer məktəbdir və orada müəllimlərin özünün duruşudur. Ailənin əxlaq qaydalarına riayət etməsi və uşaq üçün atılması olan vacib addımdır".

Sevda Səfərova

Telegramda izləyin