"Vətəndaş bəzən dövlət orqanlarını unudub, "Səni axtarıram", "Bizimləsən" kimi verilişlərə müraciət edir" - TƏNQİD

Xəbər verdiyimiz kimi, İmişli rayonunun Qaragüvəndikli kəndində itkin düşən 11 yaşlı Rasim Xankişiyev dayanır. Uşaqdan 1 aydan artıqdır ki heç bir məlumat yoxdur. Vətəndaşlar niyə görə bu kimi problemlərdə dövlət qurumlarına yox birbaşa verilişlərinə üz tutur?

Məsələ ilə bvağlı Sonxeber.az-a "Polisə dəstək" İctimai Birliyinin sədri Şəmsəddin Əliyev açıqlama verib.

O bildirib ki, televiziyada yayımlayan verilişlərin heç biri dövlət orqanlarının səlahiyyətini mənimsəyə bilməz:

"Vətəndaş bəzən dövlət orqanlarını unudub, və ya bu qurumların fəaliyyətini vəcinə almadan "Səni axtarıram","Bizimləsən" kimi verilişlərə müraciət edir. Bu Azərbaycan vətəndaşlarının sözün əsl mənasında xulufatlara meyl etməsi və nadanlığının təzahürüdür

Televiziyada yayımlayan bu tip verilişlərin heç biri dövlət orqanlarının səlahiyyətini mənimsəyə bilməz. Əgər belə bir istəkləri varsa, bu artıq cinayət məsuliyyəti yaradır. Vətəndaşın itkin düşməsi ilə bağlı axtarışların aparılması, səhhəti ilə bağlı məlumat əldə edilməsi bu tip verilişlərin səlahiyyətlərinə aid deyil. Televiziyadakı bu tip verilişlərin müəyyən qurumların fəaliyyət istiqamətlərini mənimsənilməsi kimi dəyərləndirmək olar.Dövlətin kifayət qədər qurumları var. Bu qurumlara kifayət qədər etimat var. Dövlət orqanlar daha çox DİN və digər qurumlar öz fəaliyyətləri düzgün həyata keçirirlər. Vətəndaşın dövlət orqanlarına səlahiyyətlərinə məxsus olan məsələlər ilə bağlı televiziyadakı verilişlərə müraciət etməsi tamamilə yalnış yanaşmadır".

Gülcahan Məmmədova

Telegramda izləyin