Vətəndaşın evi qəsdən yandırılıb? Günahkar kimdir? - VİDEO

Nəsimi rayonu, Novruzov qardaşları küçəsində evdə bir neçə gün əvvəl yanğın baş verib. Evin sahibi Fazilə Ağayevadır. Alovun qarşısı alınsa da, mənzildəki bütün əşyalar yararsız hala düşüb.

Sonxeber.az xəbər verir ki, Fazilə Ağayeva "ATV Xəbər"ə mənzilin yanmasının günahkarının ərazidə tikinti işləri aparan şirkət olduğunu deyib:

"Tikinti şirkəti ilə razılaşmadım. 1 ya da 2-ci gün olardı. 26-ı gecə yarısında qonşular partlayışa görə çıxdılar. Mən burada yaşamıram. Qardaşım yanğınsöndürənlərdən evə birinci girdi. Gördü ki, arxa tərəfdə bizim "fortuçka"larımız var. Pəncərənin toru kəsilib. Pəncərə isə içəriyə sınıb".

Fazilə Ağayeva iddia edir ki, tikinti şirkəti ilə razılığa gələ bilməməsinin səbəbi torpağa görə komensasiya verilməməsidir.

"Mən aşağı qiymətə torpağımın pulunu istəyirəm. Evin sənədi hər şey yerindədir. Elə iki sot yarım torpağımdır. Evi verir amma pulu da az verir".

Ərazidə tikinti işləri aparan şirkətin direktoru isə iddiaları qəbul etmir.

Ətraflı "ATV Xəbər"in süjetində:

Telegramda izləyin