Afiyəddin xəstəxanadan buraxılıb?

Xəbər verdiyimiz kimi, bir neçə gündür Əli-Afiyəddin adlı yeniyetmənin videoları müzakirələrə səbəb olub. DİN açıqlama yayaraq bildirib ki, yetkinlik yaşına çatmayan şəxsin sağlamlıq vəziyyəti nəzərə alınaraq müvafiq xəstəxanaya yerləşdirilməsi təmin olunub.

Axşam.az xəbər verir ki, aktyor Əlixan Rəcəbov sosial şəbəkədə Afiyəddinlə bağlı paylaşım edib. O iddia edib ki, yeniyetmə sosial şəbəkədə paylaşım etməyə davam edir:

"40 dəqiqə əvvəl teleqram kanalında təzə video paylaşıb. Uşaqlar bizim gələcəyimizdir, amma bəziləri gəlməsə də olar".

Qeyd edək ki, Afiyəddin ictimai yerlərdə qeyri-adekvat hərəkətlər etməsini əks etdirən videolar çəkib TikTok-da paylaşır. O, avtobusda, metroda yerə uzanaraq videolar çəkib. Onun sonuncu videosunda yaşlı qadını qucağına alaraq onu narahat etməsi isə etirazlara səbəb olub. 9-cu sinif şagirdi olan Afiyəddinin Azərbaycanın dövlət və siyasi xadimi Afiyəddin Cəlilovun nəvəsi olduğu ortaya çıxıb. Babasının adını daşıyan yeniyetmənin atası Nihad Cəlilov isə Bakıda tanınmış biznes adamlarından sayılır. Afiyəddin TikTok-da "Jalilov" adlı profildə videolar yayımlayır.

Telegramda izləyin