"Afiyəddin məcburi müalicədədir" - Rəsmi

"Görüntüləri yayılan Əli-Afiyəddin Cəlilov sağlamlığında olan psixoloji problemləri ilə bağlı müvafiq psixiatriya xəstəxanasında məcburi müalicədədir".

Axşam.az xəbər verir ki, bu barədə DİN-in mətbuat xidmətinin əməkdaşı Nurlan Əliyev məlumat yayıb.

Nazirlik rəsmisi bildirib ki, 2009-cu il təvəllüdlü yeniyetmənin müalicəsi davam etdirilir:

"Yeniyetmə ilə bağlı görüntülərin təkrar paylaşılaraq tirajlanması çaşqınlıq yaradır. Qeyd olunanları nəzərə alaraq diqqətə çatdırırıq ki, onunla bağlı qanunla müəyyən olunan bütün tədbirlər icra olunur".

Qeyd edək ki, dünən A.Cəlilovun sosial şəbəkədə yeni video paylaşması barədə iddialar yayılmışdı.

Xatırladaq ki, sosial şəbəkələrdə çəkdiyi videolarla narazılıq yaradan şəxs yanvarın 29-da valideyni ilə birgə polis idarəsinə dəvət olunub. Yetkinlik yaşına çatmayan şəxsin sağlamlıq vəziyyəti nəzərə alınaraq müvafiq xəstəxanaya yerləşdirilməsi təmin olunub.

Telegramda izləyin