Nanə avtobus sürücülərindən şikayət etdi

"Sosial şəbəkələrdə polisdən qaçan sürücünün görüntülərini gördüm. Bir neçə maşını əzdi. Təbii ki, yaxalandı. Allah qorusun, insan bilmir onu nə gözləyir".

Axşam.az xəbər verir ki, bu sözləri Nanə Ağamalıyeva aparıcılığını etdiyi "7 tamam" proqramında deyib. O, avtobus sürücülərindən şikayət edib:

"Xüsusən tıxac vaxtı nəqliyyat vasitələrini təhlükəli idarə edənlərə rast gəlinir. Onların arasında avtobus sürücüləri də var. Buna xüsusi olaraq diqqət etmək lazımdır. Avtobusda sərnişinləri bir araya toplayıb onu təhlükəli idarə etmək nə dərəcədə düzgündür? Axı bu çox təhlükəlidir. Bir kiçik səhv insan həyatına son qoya bilər".

Qeyd edək ki, bu gün Bakıda narkotik vasitənin təsiri altında polisdən qaçmaq istəyən O.Zülfüqarov 10-dan çox avtomobilə ziyan vurub. O, daha sonra saxlanılaraq həbs edilib.

Telegramda izləyin