Qışa xas olmayan isti havanın səbəbi - Açıqlandı

Hazırda ölkə ərazisində qış fəslinə xas olmayan mülayim isti hava şəraiti müşahidə olunur.

Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova Sonxeber.az-a bildirib ki, buna səbəb sinoptik şəraitlə əlaqədar cənub istiqamətli axınların təsiridir.

"Hazırda Bakıda və Abşeron yarımadasında 23, rayonlarda isə 22 dərəcəyədək isti müşahidə olunur. Ötən illərin fevral ayında da belə anomal isti hava şəraiti qeydə alınmışdı.

Belə ki, Bakıda və Abşeron yarımadasında havanın temperaturu 2023-ci ildə 21 dərəcə, 2021-ci ildə 22 dərəcə, 2020-ci ildə isə 25 dərəcəyədək yüksəlmişdi", - deyə qurum rəsmisi bildirib.

Telegramda izləyin