Səyahət edənlər sığortadan yararlana bilər? - VİDEO

Xaricə səfər edən vətəndaşların könüllü sığortası üzrə ödənişlər artıb. Ötən ilin yanvar-fevral aylarında bu tip sığorta yığımları 6 milyon 22 min manat təşkil edib. Bu da əvvəlki ilin müvafiq dövrü ilə müqayisədə 848 min manat və ya 16.4 faiz çoxdur.

Sonxeber.az xəbər verir ki, sığorta məsələləri üzrə ekspert İlkin İbrahimov "Xəzər Xəbər"ə açıqlama verib.

O, deyib ki, hazırda həm ölkə daxilində, həm də xaricdə səfərlər zamanı sığorta mexanizmi aktivdir. Yəni vətəndaş səfərdə olduğu günlərim sayına və səyahət etdiyi məkana görə, könüllü ödəniş edərək səyahət sığortası əldə edir. Həm sığorta haqqı, həm də dəymiş zərərə görə ödəniləcək vəsaitin məbləği şəxsin istəyinə müəyyən edilir.

Ekspert bildirir ki, bəzi hallarda dəymiş zərərə ödənişlərin alınması mümkün olmur. Buna da əsas səbəb zərərin səbəbinin araşdırılması və sənədləşdirilməsi, müvafiq sığorta şirkətinə təqdim edilməsi prosesinin kifayət qədər mürəkkəb olmasıdır.

"Əsas problem odur ki, sizin sığorta hadisəsi ilə bağlı həmin yerdə məlumat verməyinizdir. Məlumat verdikdən sonra sığorta hadisəsini isbat edən qəbzlər və qaimələr olur. Qaimə fakturalarını yığıb gətirdiyiniz təqdirdə, xarici ölkədirsə bunun tərcüməsi olacaq. Mərkəzi bankın səyahət sığortası ilə bağlı sığorta yığımları və ödənişlərinin statistikasına baxırıq. Orada görürük ki, sığorta ödənişləri daha az olur. Az olmasına səbəb sənədlərin və prosedurların mürəkkəb olmasıdır".
Ətraflı "Xəzər Xəbər"in süjetində:

Telegramda izləyin