Bakıda marşrutların AZALDILACAQ! - VİDEO

"Bu gün Bakı şəhərində ictimai nəqliyyata əlçatanlığı 80 faizdir və hətta onun altındadır. Yəni 20 faiz əhalinin ictimai nəqliyyata əlçatanlığı yoxdur. Onlar müəyyən bir məsafə qət etməli yaxud hansısa minik avtomobilinə minməlidir ki, dayanacağa çata bilsinlər. Ona görə biz bu gün Bakı şəhərində marşrut şəbəkəsinin optimallaşması və yenidən təşkil olunması sxemi hazırlanıb. Mütəxəssislər cəlb edilib və iştirak ediblər".

Sonxeber.az xəbər verir ki, bu sözləri AYNA-nın şöbə müdiri Tərlan Səfərov "Xəzər" telekanalında yayımlanan "Xəbər eryəsi" verilişində deyib. O, bildirib ki, bu şəbəkələşmə ilə marşrutlara əlçatanlığı 90 faizə qaldırılacaq:

"Bu marşrutlarda yeni avtobuslar istifadəyə veriləcək. Biz marşrut sayını azaldacağıq. Bu o demək deyil ki, biz avtobusların sayını azaldacağıq. Avtbus sayı artacaq. Bu sadəcə şəhər mərkəzini bir tor kimi əhatə edən bir şəbəkə olacaq. Eyni zamanda şəhərətrafı qəsəbələrdə magistral xətlər gələcək. Onları qidalandıran xətlər olacaq. Daha çox insan ictimai nəqliyyatdan istifadə edə biləcək".

Ətraflı süjeti təqdim edirik:

Telegramda izləyin