5 ailə üzvünü amansızlıqla öldürən Əhməd ÖMÜRLÜK HƏBS OLUNA BİLƏR

Xəbər verdiyimiz kimi, dünən Bakıda 1999-cu il təvəllüdlü Əhməd Əhmədov öz ailəsinin 5 üzvünü xüsusi amansızlıqla qətlə yetirib. Həmin şəxsi hansı cəza tədbiri gözləyir?

Məsələ ilə bağlı vəkil Rəşad Əliyev Sonxeber.az -a açıqlama verib

O bildirib ki, həmin şəxs ömürlük həbs edilə bilər:

"Baş vermiş cinayət hadisəsi ilə bağlı şübhəli qismində saxlanılan şəxsə cinayət məcəlləsinin 120.2.4 və 120.2.7 maddələri ilə ittiham verilib. Yəni xüsusi amansızlıqla 2 və daha artıq şəxsin öldürməklə bağlı ittiham edilir. Əgər şəxsin həmin cinayəti törətməsi təsdiqini taparsa və məhkəmə onunla bağlı hökm çıxarasa, cinayətkar 14ildən-20 ilədək və ya ömürlük azadlıqdan məhrum edilə bilər".

Qeyd edək ki, Əhməd vaxtilə idmanla məşğul olub. Sonradan idmanda aldığı zədə onun sağlamlığına ciddi təsir edib. Bu səbəbdən 25 yaşlı gəncin mütəmadi olaraq Psixiatriya Xəstəxanasında yatdığı bildirilir. Ailəni tanıyanların sözlərinə görə, Əhməd onlarla birgə yaşamayıb, onun üçün hətta avtomobil alınıb, başqa evdə yaşamasına da şərait yaradılıb.

Telegramda izləyin