Bizi ünvanımıza çatdıranlar kimdir, psixopat və ya sürücü? - Psixoloqdan AÇIQLAMA

Bakıda ata-anası, qardaşı, bacısı və onun azyaşlı qızını öldürməkdə şübhəli bilinən Əhməd Əhmədovun avtomobilinin görüntüləri yayılıb. Avtomobil onun atasına məxsus olub. Lakin o, həmin maşınla taksi fəaliyyəti ilə məşğul olub. Bu məsələ taksi sürücülərinin psixoloji vəziyyətini gündəmə gətirib.

Məsələ ilə bağlı psixoloq Fərqanə Mehmanqızı Sonxeber.az-a açıqlama verib.

O bildirib ki, taksi sürücülərinin psixoloji sertifikat məsələsi çox önəmlidir

"Taksi sürücülərinin psixoloji sertifikat məsələsi çox önəmlidir. Çünki taksilərdən istifadə edənləri sayı xeyli çoxdur. Bəzən sürücülərin qollarında kəsiklər, davranışlarında psixoloji problem olduğunu hiss edirik. Təbii ki bunu bütün sürücülərə şamil etmək düzgün deyil. Mütləq taksi sürücüləri psixoloji seanslardan keçməlidir. Ümumiyyətlə cəmiyyətlə işləyən hər bir şəxs mütləq aqressiya və streslərə qarşı dayanıqlıqları, psixoloji vəziyyəti qeydə alınmalıdır. Biz bəzən hərbiçilərin, həkimlərin, polislərin belə ailə daxili cinayət törətdiyini və ya iş yoldaşlarına qarşı aqressiyasına şahid oluruq. Hələ bu həyatın görünən tərəfidir. Buna görə də psixoliji vəziyyət hər bir sahədə yoxlanılmalıdır".

Xatırladaq ki, ötən gün Xətai rayonunda 1972-ci il təvəllüdlü Mehman Əhməd oğlu Əhmədovun, 1977-ci il təvəllüdlü Pikə Bədəl qızın Əhmədovanın və 2015-ci il təvəllüdlü Məhəmməd Mehman oğlu Əhmədovun kəsici alətlə qətlə yetirilməsi barədə polisə məlumat daxil olub. Qətli törətməkdə şübhəli bilinən 1999-cu il təvəllüdlü Əhməd Mehman oğlu Əhmədov polis əməkdaşları tərəfindən saxlanılıb. Bundan sonra Ə.Əhmədovun 1997-ci il təvəllüdlü bacısı Elmira Mehman qızı Əhmədovanı və onun 5 yaşlı qızını da eyni üsulla qətlə yetirməsinə əsaslı şübhələr müəyyən edilib.

Telegramda izləyin