Əgər Əhmədin psixi xəstəliyi varsa, HƏBS OLUNMAYACAQ! - AÇIQLAMA

Xəbər verdiyimiz kimi, Bakıda ailəsinin 5 üzvünü baltalayaraq öldürməkdə şübhəli bilinən 25 yaşlı Əhməd Əhmədovla bağlı bəzi təfərrüatlar məlum olub. Space televiziyasında yayımlanan Amil Xəlilin müəllifi olduğu "Gəl,Danış" verilişində ekspert kimi çıxış edən psixoterapevt Elmir Əkbər bildirib ki, Əhməd 9 ay mualicə alıb sərbəst buraxıla bilər. Əgər Əhmədin psixoloji problemi olduğu sübuta yetirilərsə, azadlığa buraxıla bilərmi?

Məsələ ilə bağlı hüquqşünas Ələsgər Məmmədli Sonxeber.az-a deyib ki, cinayətdə şübhəli bilinən şəxsin bunu anlaqlı və ya anlaqsız vəziyyətdə etməsi araşdırılacaq:

"İstintaq bu şəxsin tibbi müayinəsi zamanı anlaqlı olub-olmaması yaxud müvəqqəti anlaqsız vəziyyəti, əqli geriliyi, psixi xəstəliyi varsa konkret diaqnozu qoyulacaq. Konkret diaqnozu qoyulana qədər bu proses araşdırılacaq. Biz bilirik ki, cinayətdə şübhəli bilinən şəxsin əməli cinayət hesab olunursa, bu ictimai təhlükəli əməldir. Azərbaycan Cinayət Məcəlləsinin 21-ci maddəsi deyir ki, anlaqsız vəziyyətdə ictimai təhlükə törətmiş şəxslər məhkəmə tərəfindən tibbi xarakterli məcburi tədbirlərə məruz qoyula bilər. Amma cinayət məsuliyyətinə cəlb edilməz".

Ələsgər Məmmədlinin sözlərinə görə, şəxsin haqqında həbs-qətimkan tədbiri yaxud həbs qəbulu olunmayıbsa, tibbi xarakterli məcburi tədbir tətbiq oluna bilər:

"Cinayət Məcəlləsinin 93-cü maddəsidə bunu tənzimləyir. Şəxsin əgər tibbi xarakterli məcburi tədbirlər ehtiyacı varsa, başqalarına zərər verməsi və onun üçün müayinə təyin ediləcək. Daha sonra müalicə müəssisəsinə yerləşdiriləcək. Onun daha sonra sağalması yaxud sağalıb-sağalmayan xəstəlik olması tibbi müəssisədə müəyyən olunacaq. Nə qədər qalacaq yaxud nə vaxta qədər müəyyən edəcək sonradan müəyyən olunur. Konkret olaraq həqiqətən şübhəli şəxs əməli törədən zaman anlaqsız olubsa, anlaqsızlıq bir xəstəliyin nəticəsidirsə onu cinayət məsuliyyətinə cəlb etmək mümkün olmayacaq. Sağalsa belə onun təkrar mühakimə olunması mümkün olmayacaq".

Sevda Səfərova

Telegramda izləyin