"Şpion eynək"lərinə DİQQƏT! İstirahət etdiyiniz yerdə videoya çəkə bilərlər - video

Gizli görüntülərin əldə olunması üçün kameralı eynəklər sayılır. Azərbaycanda bu eynəkləri sifarişlə əldə etmək mümkündür. Bu xəbərə sevinənlər də var, təəssüflənənlər də. Çünki daha əvvəl bloqerlərin ifrat səmimiyyəti cəmiyyətdə ajiotaja səbəb olmuşdu. Həmin vaxt hüquqşünas və ekspertlər ərazidə veb-kameraların olmasından insanları xəbərdar edəcək lövhələrin vacibliyini dilə gətirmişdi. Filmlərdə agent aksesuarı kimi görməyə çalışdığımız eynəklər isə məxfilik qaydalarını kobud şəkildə pozmağa qadirdir. Çünki gündəlik həyatda küçədə gəzərkən restoranda kimləsə görüş zamanı yaxud çimərlikdə uzanıb günəş vannası qəbul edərkən eynəkli birinin video çəkiliş etməsini heç kim istəməz. Bu şəxsi həyata birbaşa müdaxilədir.

Sonxeber.az xəbər verir ki, hüquqşünas Şamil Paşayev "Apa TV"yə açıqlama verib.

" Şəxslər başqa şəxslərin həyatına, ailə həyatına hörmətlə yanaşmalıdır. Hər hansı bir eynəkdən yaxud cihazdan istifadə etməklə şəxsləri çəkmək və onların həyatına müdaxilə olarsa, Cinayət Məcəlləsinin 156-cı maddəsinə əsasən məsuliyyətə səbəb ola bilir".

Sosioloq Üzeyir Şəfiyev isə bildirib ki, bu eynəklərin kütləvi istifadəsi yolverilməzdir:

" Bu eynəklərin təyinatı başqadır. Hər kəs üçün əlçatan olmamalıdır. Bu insanların ictimai yerlərdə bir sıra arzuolunmaz məqsədlər üçün istifadə olunur. Bunun qarşısını almaq üçün zəmanət verilməlidir. Bununla bağlı müvafiq qurumlar ölçü götürməlidirlər.

Azərbaycanda daxili və xarici təhlükəsizlik məsələlərinə həssas yanaşılır. Örnək kimi Qarabağdakı separatçıların və Bakıdakı bəzi agentlərinin həbsdə olmasını göstərmək olar. Amma bu eynəklər sadəcə şəxsi həyatı pozmaqla çərçivələnmir.

Ətraflı "Apa TV"nin süjetində:

Telegramda izləyin