Şagirdlərdən tibbi arayış tələb olunur? - VİDEO

Son günlər sosial şəbəkələrdə buraxılış imtahanına hazırlaşan şagirdlərdən sağlamlıq haqqında arayış tələb edildiyinə dair məlumatlar yayılıb. İddia olunur ki, arayış təqdim etməyənlər buraxılış imtahanında iştirak edə bilməyəcək. Bəs deyilənlər nə dərəcədə doğrudur?

Şagird 1-ci sinfə, tələbə universitetə qəbul olanda, şəxs ilk dəfə işə düzələndə sağlamlıq haqqında arayış təqdim etməlidir. Bu qanunvericiliyin tələbidir. Digər hallarda sağlamlıq haqqında arayış tələb oluna bilməz.

Sonxeber.az xəbər verir ki, təhsil məsələləri üzrə ekspert Elçin Əfəndi "Atv Xəbər"ə şagirdlərdən sağlamlıq haqqında arayış tələb edilməsi barədə sosial şəbəkələrdə yayılan məlumatların heç bir əsası olmadığını deyib:

" Bu informasiyaları müəyyən iş bazaları dövriyyəyə buraxırlar. İstəyirlər ki, şagirdlər və valideynlər təşviş içərisində olsunlar ki, nlar mütləq hansısa poliklinikaya yaxınlaşıb müəyyən ödəniş qarşılığında sağlamlıq haqqında arayış əldə etsinlər. Valideynlər burada diqqətli olmalıdırlar. İmtahan verən namizədin ümumi informasiyalar vahid portalda olduğu üçün hər hansı bir sənədə ehtiyac duyulmur".

Ekspert qeyd edib ki, sağlamlıq haqqında arayışın tələb olunması ilə bağlı istisna hallar var. Bu hallar isə əsasən pandemiy və kəskin xəstəliyin ölkədə yayılması ilə əlaqədardır.

Ətraflı "ATV Xəbər"in süjetində:

Telegramda izləyin