Azərbaycanda minimum əməkhaqqı 400 manata qaldırılır? - AÇIQLAMA

İctimaiyyət arasında hər il müəyyən edilən minimum əmək haqqının məbləği maraq doğurur. Bu məbləğ qanunla müəyyən olunduğu üçün işəgötürənlər işçilərinə bu məbləğdən az maaş verə bilməzlər.

Hazırda Azərbaycanda minimum əməkhaqqı 345 manata, minimum pensiya 280 manata çatıb. Prezident İlham Əliyev andiçmə mərasimindəki çıxışında bir daha bu məsələyə toxunaraq müəyyən məqamları diqqətə çatdırdı. Bu baxımdan Azərbaycanda minimum əməkhaqqının qiyməti 400 manata qaldırıla bilər?

Məsələ ilə bağlı iqtisadçı Xalid Kərimli Sonxeber.az-a açıqlama verib:

"İlk olaraq bildirmək istəyirəm ki, dövlət başçısı özü də bu məsələyə toxunub. Qərar verəcəksə, əlbəttə qaldıracaq. Hazırda bu məsələ aktualdır və müzakirələr gedir. Ölkə prezidenti qeyd etdi ki, miimum əməkhaqqının indiki səviyyəsi qane etmir. Bu baxımdan indiki məqamda qane etmədiyinə, məbləği sözügedən dəyərdə qaldıra bilərlər. Çünki bu istiqamətdə düşünürlər. Sözügedən artımı 2024-2025-ci ildə arıtra bilərlər. Bu artıq hökumətin qərarından asılıdır".

Sevda Səfərova

Telegramda izləyin