60 gündür itkin düşən Rasimlə bağlı ŞOK İDDİA - "O, oğurluq hadisəsinin şahidi olub"

Ötən ilin dekabr ayının 26-da İmişli rayonunun Qaragüvəndikli kəndində itkin düşən 11 yaşlı Rasim Xankişiyevin axtarışları davam edir.

Sonxeber.az xəbər verir ki, ARB televiziyasında yayımlanan "Səni Axtarıram" verilişinin aparıcı Xoşqədəm Hidayətqızı bildirib ki, dekabrın 25-i kənddən 3 camış və 1 inək oğurlanıb:

"Həmin günü Rasim sahəyə gedib və tez qayıdıb. Bir gün sonra isə Rasim yoxa çıxarılır. Ola bilsin ki, Rasim camışları və inəyi oğurlayan şəxsləri görüb. Onlar da Rasimi yoxa çıxarıblar".

Heyvanları oğurlanan Elçin adlı kənd sakini bildirib ki, heyvanları noyabr ayında itib:

"Mənim 3 camışım noyabrın 22-si itib. Qonşunun inəyi isə dekabrın 1-i oğurlanıb. Camışların itdiyi ərazi Rasimin yoxa çıxdığı yerdən uzaqdır".

Verilişə gələn şəxs bildirib ki, Rasim sağdır və onu görüb.

Telegramda izləyin