"18 yaşına çatmamış qızların nişanlanması da cinayət məsuliyyəti yaratmalıdır" - SOSİOLOQ

Son zamanlar ölkədə azyaşlı qızların evlilik halları artıb. Bunun səbəbi nədir?

Məsələ ilə bağlı sosioloq Üzeyir Şəfiyev Sonxeber.az-a açıqlama verib.

Sosioloq bildirib ki, erkən nikahlar regionlarda daha çox baş verir:

Erkən nikahlarla bağlı ciddi statistik rəqəmlər var. Erkən nikahlar regionlarda daha çox baş verir. Çünki bu ərazilərdə bəzi ənənələr ilə yaşayan ailələr var onlar gələ fikirləşirlər ki "tez duranla,tez evlənən udar" fəlsəfəsi ilə yaşayırlar. Onlar hələ də yeni dünyanın tələbatlarını başa düşmürlər. Onlar fikirləşirlər ki, qızı nə qədər tez ərə verdin o qədər yaxşıdır. Amma təcrübə göstərir ki, problem ondan sonra başlayır. Bu bölgələrdəki demoqrafik vəziyyətlərdə bağlıdır.Valideynlər qızlarını erkən nikaha məcbur edirlər. Bu isə özlüyündə yeni problemlər yaradır. Bu erkən doğuş zamanı ana ölümlərinin də sayını artırır. Eyni zamanda boşanma hallarının sayı artır. Həmin qızlar boşandıqdan sonra təhsil ala bilmirlər. Əmək bazarında əziyyət çəkirlər".

Sosioloq 18 yaşına çatmamış qızların nişanlanmasının da cinayət məsuliyyəti yaratmalı olduğunu bildirib:

"Bölgələrdə olan valideynlərlə iş aparmaq lazımdır. Gənc qızların təhsilə maraqlarını artırmaq mütləqdir. Bununla bağlı məktəblərdə müəyyən dərslər keçirimləridir. Ailə, Qadın və Uşaq Problemləri üzrə Dövlət Komitəsi və həmin bölgələrdəki icra komitələri ərazidə yerləşən erkən nikaha cəlb olunma ehtimalı olan ailələrlə işlər, tədbirlər görməlidir. 18 yaşına çatmamış qızların nişanlanması da cinayət məsuliyyəti yaratmalıdır. Bu zaman bəlkə valideyn qızını erkən nikaha cəlb etməkdən çəkinər".

Telegramda izləyin