Piyadanın ölümünə səbəb olan avtobus sürücüsünü hansı cəza gözləyir? - AÇIQLAMA

"Koroğlu" Nəqliyyat Mübadiləsi Mərkəzində qeydə alınıb. Belə ki, 163 nömrəli marşrut avtobusu qəza törədib. Hadisə şəxsin piyada üçün nəzərdə tutulmayan ərazidən keçdiyi zaman baş verib. Avtobusun altında qalan şəxs hadisə yerində ölüb. Belə halllar baş verəndə qarşı tərəfə hansı cəza tədbiri verilə bilər?

Məsələ ilə bağlı vəkil Elvin Əliyev Sonxeber.az-a açıqlama verib.
Vəkil məsələyə aydınlıq gətirib

"İstəməsək də gündəlik həyatımızda bir çox xoşagəlməz hadisələrlə qarşılaşırıq, əfsuslar olsun ki, belə hadisələr əksər hallarda ölümlə nəticələnir. Yol nəqliyyat hadisələri ehtiyyatsızlıqda törədilən cinayətlər kateqoriyasına aiddir. Hadisənin baş vermə mexanizminə, ekspert rəyinə əsasən günahın kimdə olması istintaq orqanə tərəfindən müəyyən olunur və cinayəti törətmiş şəxsin əməli Azərbaycan Respublikasının Cinayət Məcəlləsinin müvafiq maddəsi ilə tövsif olunaraq və həmin şəxsə ittiham elan olunaraq məhkəməyə göndərilir.

Belə ki, yol-nəqliyyat hadisəsi zamanı zərərçəkmiş şəxs ölürsə bu zaman təqsirləndirilən şəxsi daha ciddi cəza gözləyir.
Belə ki, Azərbaycan Respublikası Cinayət məcəlləsinin 263.2-ci maddəsinə əsasən həmin nəcəllənin 263.1-ci maddəsində nəzərdə tutulmuş əməllər ehtiyatsızlıqdan zərərçəkmiş şəxsin ölümünə səbəb olduqda—üç ilədək müddətə nəqliyyat vasitələrini idarə etmək hüququndan məhrum edilməklə iki ildən altı ilədək müddətə azadlıqdan məhrum etmə ilə cəzalandırılır".

Telegramda izləyin