Aİ-92 markalı benzini Novruz bayramına qədər bahalaşır? - AÇIQLAMA

Xəbər verdiyimiz kimi, Nazirlər Kabineti "Azərbaycan Respublikasının ərazisinə gətirilən aksizli malların aksiz dərəcələri"ndə dəyişiklik edib. Dəyişikliyə əsasən, 2024-cü il 31 dekabr tarixinədək 95-dən az oktan ədədi ilə benzin üçün aksiz dərəcələri azaldılıb, 1 ton üçün 200 manatdan 1 manata endirilib. Bəs Azərbaycanda Aİ-92 markalı benzini Novruz bayramına qədər bahalaşa bilər?

Mövzu ilə bağlı iqtisadçı ekspert Xalid Kərimli Sonxeber.az-a açıqlama verib:

"Azərbaycanda A-92 markalı benzinin bahalaşması ilə bağlı heç bir məlumat yoxdur. Hətta bu gün Nazirlər Kabinetinin bir qərarı açıqlandı. Rüsumlar və aksizlərin idxal zamanı ləğvi prosesin müddəti uzadılır. Onun üçün addım atılır ki, bu qiymətləri artırmaq yaxud idxal edən şirkətlərin ziyan etməməsi üçündür. Qiymətlərin nə artması yaxud azalması gözlənilir. Bu ancaq Tarif Şurasının verəcəyi qərarla tənzimlənəcək məsələdir. Hazırda bunun üçün hər hansı bir əsas yoxdur. Bütün qiymətlər demək olar ki, stabildir. Dəyər zənciri eyni olaraq qalır və hər hansı bir ciddi dəyişiklik yoxdur".

Qeyd edək ki, Nazirlər Kabinetinin digər qərarı ilə 2024-cü il 31 dekabr tarixinədək bu benzin üçün gömrük rüsumu ləğv edilib. Bu Qərar 2024-cü il martın 1-dən qüvvəyə minir.

Sevda Səfərova

Telegramda izləyin