"Vətən xainləri"nin muzeyi - Orada nələr var?

"Vətən xainləri"nin muzeyi - Orada nələr var?Aydın səma, bərpa olunan suverenlik, məsud dalğalanan üçrəngli bayraq... Bu gün bunların, bəlkə də daha çox qədrini bilməliyik. Daha çox öpüb gözümüzün üstündə saxlamalıyıq. Çünki zaman axınının əksinə üzsək, bu günə, bu müstəqilliyə gələn yolun kökünün necə dərinliklərdə olduğunu görəcəyik.

Bu düşüncələrlə Zərifə Əliyeva küçəsi ilə Dövlət Sərhəd Xidmətinin inzibati binasında fəaliyyət göstərən "Siyasi Repressiya Qurbanları Muzeyi"nə - ömürlərini Vətənə qurban edən insanlara "vətən xaini" damğası vurulan yerə gedirik.
"Vətən xainləri"nin muzeyi - Orada nələr var?Müşfiqlərin, Cavidlərin şair ruhunun incidildiyi yer

Dövlət Sərhəd Xidmətinin rəisi general-polkovnik Elçin Quliyevin təşəbbüsü ilə yaradılan bu muzeyin girişində bizi muzeyin rəisi Mirabbas Məmmədov qarşılayır, elə muzey haqqında məlumatı da o verir. Tacir Hacı Hacıağa Dadaşova məxsus bu bina 1878-ci ildə tikilib və burada müxtəlif şirkətlərin anbarları, nümayəndəlikləri fəaliyyət göstərib. Bina 1920-ci ildə dövlətin balansına keçib, 1925-ci ildən isə Azərbaycan Fövqəladə Komissiyasına (AzÇK) verilib. Xalq Daxili İşlər Komissarlığının (NKVD) daxili həbsxanası olan binanın zirzəmisi isə (muzeyin yerləşdiyi) sovet qanunlarının boğmağa çalışdığı minlərlə insanın sorğu-sual edildiyi, işgəncə verildiyi, sürgünə göndərildiyi və ən nəhayət, amansızcasına güllələndiyi yerdir. Müşfiqlərin, Cavidlərin, Əhmədlərin şair ruhunun incidildiyi, qürurlarının yenilmədiyi, amma, bəlkə də son nəfəslərini verdiyi yerdir.
"Vətən xainləri"nin muzeyi - Orada nələr var?Aydın səma, bərpa olunan suverenlik, məsud dalğalanan üçrəngli bayraq... Bu gün bunların, bəlkə də daha çox qədrini bilməliyik. Daha çox öpüb gözümüzün üstündə saxlamalıyıq. Çünki zaman axınının əksinə üzsək, bu günə, bu müstəqilliyə gələn yolun kökünün necə dərinliklərdə olduğunu görəcəyik.

Bu düşüncələrlə Zərifə Əliyeva küçəsi ilə Dövlət Sərhəd Xidmətinin inzibati binasında fəaliyyət göstərən "Siyasi Repressiya Qurbanları Muzeyi"nə - ömürlərini Vətənə qurban edən insanlara "vətən xaini" damğası vurulan yerə gedirik.

Müşfiqlərin, Cavidlərin şair ruhunun incidildiyi yer

Dövlət Sərhəd Xidmətinin rəisi general-polkovnik Elçin Quliyevin təşəbbüsü ilə yaradılan bu muzeyin girişində bizi muzeyin rəisi Mirabbas Məmmədov qarşılayır, elə muzey haqqında məlumatı da o verir. Tacir Hacı Hacıağa Dadaşova məxsus bu bina 1878-ci ildə tikilib və burada müxtəlif şirkətlərin anbarları, nümayəndəlikləri fəaliyyət göstərib. Bina 1920-ci ildə dövlətin balansına keçib, 1925-ci ildən isə Azərbaycan Fövqəladə Komissiyasına (AzÇK) verilib. Xalq Daxili İşlər Komissarlığının (NKVD) daxili həbsxanası olan binanın zirzəmisi isə (muzeyin yerləşdiyi) sovet qanunlarının boğmağa çalışdığı minlərlə insanın sorğu-sual edildiyi, işgəncə verildiyi, sürgünə göndərildiyi və ən nəhayət, amansızcasına güllələndiyi yerdir. Müşfiqlərin, Cavidlərin, Əhmədlərin şair ruhunun incidildiyi, qürurlarının yenilmədiyi, amma, bəlkə də son nəfəslərini verdiyi yerdir.

Əl boyda işıq düşmək ehtimalı olan pəncərələr

Böyük bir zindanı xatırladan zirzəminin hücrəyə bənzər ayrı-ayrı otaqlarında qanlı-ağrılı repressiya dövrü qurbanlarını andıran eksponatlar var. Balaca, dar, birnəfərlik kameralar... Qapıları elə həmin dövrdən qalmadır. Balaca, açılanda bir əl boyda işıq düşmək ehtimalı olan pəncərələri var qapıların. Kim bilir kimlərin üzünə bağlanıb, kimləri dustaq edib bu tarixi özündə saxlayan qapılar?! Kim bilir kimlərə hansı insanlığa sığmayan, dəhşət sözündən daha da dəhşətli olan işgəncələr verilib bu kameralarda?! Düşündükcə, baxdıqca adamın ruhu ruhluqdan çıxır. Adam yerlə göy arasında daşa dönür, qandala dönür, dəmir barmaqlığa dönür, edam ağacına dönür burada. Amma eyni zamanda, burada azad olmağın qiymətini daha çox bilirsən.
"Vətən xainləri"nin muzeyi - Orada nələr var?İblis nədir? Cümlə xəyanətlərə bais...

Muzeyin "Dindirilmə otağı" adlanan guşəsində Hüseyn Cavidi xatırladan maketi görüncə ağlımıza bu misra gəldi. Cavid burada sanki "iblis" tərəfindən dindirilir. O dövrə aid əşyalar az olsa da, ab-havası tam şəkildə adamı 1937-ci ilə atır. Mirabbas müəllim Cavidlə bağlı qaranlıq məqamların olduğunu qeyd edir: "1939-cu il iyunun 9-da Cavidin 8 il müddətinə həbs edilməsi ilə bağlı qərar çıxarılıb. Cavidin 1941-ci ildə Maqadanda olduğunu göstərən sənədlər var. 1941-ci ilə qədər onun cəzasını harada çəkməsi bəlli deyil. Ümumiyyətlə, onlarla bağlı sənədlər, qeydlər çox azdır".
"Vətən xainləri"nin muzeyi - Orada nələr var?Daş divarlar arasında boğulan güllə səsləri

Zirzəmin lap dərinliyində iç-içə otaqlardan ibarət, digərlərindən nisbətən geniş kamera var. Mirabbas müəllim deyir ki, buranı muzey üçün təmizləyib hazırlayanda torpaqda qan izləri olub. Ona görə də, buranın güllələnmə kamerası olduğu ehtimal edilir. Allah bilir bu daş divarlar, bu daş tavan, bu daş döşəmə nə qədər qəddar insan baxışlarının, əmrlərin, atəş səslərinin, insan fəryadlarının, əbədi yumulan gözlərin, boğulan mədəniyyətin, ədəbiyyatın, elmin şahidi olublar. Bəlkə də içlərinə yığılan kədərdən, qəzəbdən qalınlaşıb bu divarlar belə. Kamera təmizlənəndən sonra buraya molla, keşiş, ravvin dəvət olunub. Hər üçü öz dininə uyğun qətlə yetirilənlərin ruhuna dualar oxuyublar. Qan izləri olan torpaq parçası isə simvolik olaraq Nargin adasında dəfn edilib. Burada eksponat kimi qoyulan, üstünə silah tuşlanan maket isə şair Mikayıl Müşfiqi andırır.
"Vətən xainləri"nin muzeyi - Orada nələr var?Göyə sovrulan ümidlər...

Muzeydə köhnə çamadanlardan ibarət, yerdən tavanacan qalxan kompozisiya var. Bəzilərinin ağzı açılıb, içərisindən şəxsi əşyaları da tökülür sanki. Bu, rəmzi bir kompozisiyadır. Sanki ömürlərini yaşaya bilməyən insanların göyə sovrulan ümidləridir bu çamadanlar. Hərəsi bir insan taleyini ehtiva edir özündə.
"Vətən xainləri"nin muzeyi - Orada nələr var?Təəssüf ki, repressiya qurbanları tək şairlər, yazıçılar, alimlər deyildi. Onların xanımları da bu müsibətin bir parçası olublar. Onlara deyirdilər ki, ərin vətənə xəyanət edəndə xəbər verməmisənsə, deməli, sən də xainsən! Komissarlığın 00485 saylı əmrinə görə isə "vətən xainləri"nin həyat yoldaşları heç bir məhkəmə, araşdırma, istintaq olmadan 5-8 il müddətinə sürgün olunmalı idilər. Onlar əsasən Rusiyaya, Qazaxıstana göndərilirdilər.
"Vətən xainləri"nin muzeyi - Orada nələr var?İnsan ölümünə qoyulan plan

SSRİ-nin iqtisadiyyatı planlı iqtisadiyyat idi, istehsalata limit qoyulurdu, deyir muzeyin rəisi: "Dəhşətlisi budur ki, repressiyaya da bu yanaşma tətbiq olunub. Moskvanın 1937-ci il 30 iyul 00447 saylı əmriylə SSRİ-nin tərkibində olan bütün ölkələrə 4 ay ərzində güllələnməli və sürgünə göndərilməli olan insanların sayı ilə bağlı limit qoyulub. Bu plana əsasən, Azərbaycanda 1500 insan güllələnməli, 3700 insan isə sürgün olunmalı idi. Bağırov 7250 nəfəri repressiya qurbanı edərək bu planı artıqlaması ilə yerinə yetirib".
"Vətən xainləri"nin muzeyi - Orada nələr var?Muzey canlı orqanizmdir

Mirabbas müəllim onu da deyir ki, muzey canlı orqanizmdir. Onlar muzey üçün yeni eksponat və məlumatların axtarışını indi də aparırlar. Amma təəssüf ki, çox az şəxsi əşya əldə etmək olur. Çünki o adamların yaxınları da özlərində həmin şəxslərin sənəd, foto, kitab, cib dəftərçəsini saxlamağa qorxurdular. Həm də həbs vaxtı hamısı evlərindən maddi sübut kimi götürülür, sonra da yandırılırdı. Bundan başqa, kollektiv fotolarda həbs edilənlər varsa, fotoda onların üzünü qaraldır və ya ümumiyyətlə kəsib çıxarırdılar. Buna görə həmin dövrə aid fotolar, sənədlər, məlumatlar olduqca azdır.
"Vətən xainləri"nin muzeyi - Orada nələr var?Muzeydən çıxırıq, səmaya baxıb dərindən nəfəs alırıq. Dilimizdə Əhməd Cavadın "Üç rəngli bayrağınla məsud yaşa!" misraları... ("Kaspi" qəzeti)


Sonxeber.az Telegramda izləyin instagramda izləyin
Sosial   Baxılıb: 468   Tarix: 04 mart 2024  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Şəhid kəşfiyyatçının anası: "Onlar olmasaydı, Vətənimiz əldən gedərdi"

"Şəhidlərimiz olmasaydı, Vətənimiz əldən gedərdi". Bunu "Report"un Xocavənd rayonuna ezam olunmuş əməkdaşına açıqlamasında "Xocavənd əməliyyatı"nda şəhid olan Anar Rzayevin anası Siyafət Rzayeva deyib. O, Ali Baş Komandan, Prezident İlham Əliyevin qətiyyəti, Azərbaycan Ordusunu

12 aprel
.

MTN-nin keçmiş idarə rəisi əfvdən yararlanmaq istəyir

May ayında əfv sərəncamı veriləcəyi barədə məlumatlar yayıldıqda sonra ləğv edilmiş Milli Təhlükəsizlik Nazirliyinin keçmiş idarə rəisi Mövlam Şıxəliyev bu sərəncamdan yararlanmaq üçün hərəkətə keçib. Qaynarinfo-ya daxil olan məlumata görə, keçmiş idarə rəisi əfv olunmaq üçün müraciət etmək niyyətindədir

13 aprel
.

Külək nə vaxta qədər davam edəcək?

"Hazırda Bakıda və Abşeron yarımadasında arabir güclənən şimal-qərb küləyi əsir". Bunu -a açıqlamasında Milli Hidrometeorologiya Xidmətinin Proqnozlar Bürosunun direktoru Gülşad Məmmədova deyib. Onun sözlərinə görə, külək axşama doğru zəifləyəcək:. "Aprelin 13-ü və 14-də paytaxtda hav

12 aprel
.

Hansı ixtisas qruplarına qəbul olmaq asandır?

Hər il abituriyentlərin üz-üzə qaldığı məsələlərdən biri də hansı ixtisas qrupunu seçsələr, daha rahat ali məktəbə qəbul oluna biləcəkləri ilə bağlıdır. Hətta bəziləri öz maraq dairələrini kənarda qoyub, ali məktəbə daha asan qəbul oluna biləcəkləri ixtisas qrupuna üz tuturlar. Bəs görəsən, 5 ixtisa

12 aprel
.

Qızılın qiymətində yeni rekord

Birjada qızılın qiyməti aprelin 12-də ilk dəfə bir unsiya üçün 2400 dolları ötərək yeni tarixi maksimuma çatıb. Bakı vaxtı ilə saat 10:47-də "Comex" birjasında iyun ayı qızıl füçerslərinin kotirovkaları 1,63% artaraq bir unsiya üçün 2 411,3 dollar olub. 2024-cü ilin əvvəlindən metal dünya bazarınd

12 aprel
.

Faktiki hava: Bakı və Abşeronda küləyin sürəti artıb

Aprelin 11-i saat 14:00-a olan məlumata əsasən, şimal-qərb küləyi arabir Altıağacda 20 m/s, Bakıda və Abşeron yarımadasında 23-25 m/s-dək güclənib. Bu barədə Öllə.az-a Milli Hidrometeorologiya Xidmətindən məlumat verilib. Bildirilib ki, Naxçıvan, Şərur, Şahbuz, Ordubad, Daşkəsən, Gədəbəy, Ceyrançöl

11 aprel
.

Erməni hərbçilər növbəti dəfə qəzaya düşdü

Ermənistanda içərisində hərbçilərin olduğu "KamAZ" markalı avtomobil qəzaya uğrayıb. "Qafqazinfo" "Sputnik Ermənistan"a istinadən xəbər verir ki, hadisə Gegarkunik vilayətində baş verib. İlkin məlumata görə, qəza nəticəsində 2 hərbçi xəsarət alıb. Xatırladaq ki, apreli

13 aprel
.

Alim Qasımov ailəsi ilə belə rəqs etdi - Video

Xəbər verdiyimiz kimi, Xalq artisti Natiq Şirinovun qızı Sevilin toyu baş tutub. Axşam.az-ın məlumatına görə, məclisdə rəqsi ilə diqqət çəkənlər arasında Xalq artisti Alim Qasımov da olub. O, ailəsi, qızı Fərqanə Qasımova, nəvəsi Fatimə, onun həyat yoldaşı Ümid Natiqoğlu ilə rəqs edib. Sosial mediad

12 aprel
.

İqlim yarım milyondan çox insanın insultdan ölümünə səbəb olub

Dünyada insultların sayının artması iqlim dəyişikliyi ilə əlaqələndirilə bilər. . Qaynarinfo xəbər verir ki, bunu "Neurology" jurnalında dərc olunan araşdırma göstərib. Alimlər 200-dən çox ölkə və ərazidən insanların 30 il ərzində toplanmış tibbi məlumatlarını təhlil ediblər. 2019-cu ildə temperaturl

11 aprel