Toyda bəy gəlini döydü, anası qızı götürüb getdi - VİDEO

Bir toy mərasimi zamanı baş verən hadisə görən hər kəsin ciddi reaksiyasına səbəb olub.

Sonxeber.az türk mediasına istinadən xəbər verir ki, yayılan görüntülərdə bəyin toy günü gəlinə fiziki zorakılıq tətbiq etdiyi anlar əks olunub. Videoda bir anda bəyin qəfil əsəbiləşərək gəlinə sillə vurduğu görünür. Həmin anlar ətrafdakı şəxslər tərəfindən lentə alınıb.

Hadisədən dərhal sonra gəlinin anası müdaxilə edərək qızını bəyin yanından uzaqlaşdırıb. Kadrlarda ananın qızını götürərək toy məkanını tərk etməsi diqqət çəkir.

Baş verənlərdən sonra toy mərasiminin yarımçıq qaldığı, məkanında isə böyük çaşqınlıq yaşandığı bildirilir. Qonaqların nə edəcəyini bilmədiyi anlar da görüntülərə əks olunub.

Videonun sosial mediada yayılmasından sonra çoxsaylı istifadəçilər hadisəyə kəskin etiraz edib. Xüsusilə toy günü baş verən zorakılıq faktı geniş müzakirələrə səbəb olub.

Telegramda izləyin