"Bizim arxamızda duranlar var, biz güclüyük" – İçində yaşayış olan binanı kim sökür?

"Binada yaşamağımıza baxmayaraq, söküntü işləri aparılır".

Sonxeber.az xəbər verir ki, bu sözləri "Apa TV"yə Nizami rayonu Rüstəmov 26 ünvanında yerləşən binanın sakinləri deyir. Onların iddialarına görə, söküntü işləri aparan "Qismət M-House" MMC ilə uzun müddətdir ki, problemlər yaşayırlar.

"Söküntünü 6-8 aydır ki, davam etdirirlər. Çıxan kimi üst və alt binaları sökürlər. Bilərəkdən edirlər ki, soyuğun altında yaşayaq. Hamısı xəstəxanadadır. Əlimdə sənədlər var. Hamı burada xəstəliyə tutulub. Deyirəm 3 otaqlı evim var. Deyirlər ki, sənin evinin ölçüsü balacadır, verə bilmirik. Bizim arxamızda duranlar var və güclüyük deyirlər".

Əvvəlcə şirkətin əməkdaşı olduğunu deyən şəxslər "Qismət M-House" MMC-nin layihə rəhbərinin danışmaq istədiyini bildirib. Əməkdaşlar satış ofisinə getdikdə isə, açıqlama verəcək heç kəs olmadı. Daha sonra isə layihə rəhbəri Məmmədrəsul Bilalov əlaqə saxlayaraq müsahibə istəmədiyim, lakin məsələyə münasibət bildirəcəklərini qeyd etdi.

Göndərdikləri yazılı açıqlamada qeyd olunur ki, Bakı şəhər İcra Hakimiyyəti başçısının 2021-ci il 14 oktyabr tarixli sərəncamı ilə Nizami rayonu Rüstəmov, Balakişiyev və Məhsəti Gəncəvi küçələrinin kəsişməsindəki istismar müddəti bitmiş köhnə 5 mərtəbəli binanın mərhələli şəkildə sökülməsi və yerinə çoxmənzilli binaların tikilməsi planlaşdırılıb.

Ətraflı "Apa TV"nin süjetində:

Telegramda izləyin