Əhali son iki ayda ərzağa 4.3 milyard manat xərcləyib - VİDEO

Son 2 ayda insanlara 4.3 milyard ərzaq məhsulları satılıb. Bununla bağlı Statistika Komitəsi məlumat yayıb. İlin yanvar-fevral aylarında pərakəndə ticarət şəbəkəsində əhalinin bir nəfəri orta hesabla ayda 420 manat pul xərcləyib. Bunun 232 manatı ərzaq məhsulları, içkilər və tütün məmulatlarına xərclənib. Bəs insanlar ən çox pulu nəyə xərcləyir?

Mövzu ilə bağlı "Xəzər Xəbər" sakinlər arasında sorğu keçirib. Nəticələr göstərir ki, ən çox ərzaq məhsulları və nəqliyyat, dərmanların alınmasına daha çox xərclənir.

İqtisadçı ekspert Rəşad Həsənov artım ilə bağlı açıqlama verib.

"Əhalinin sayı ötən ilə nisbətdə artıb. Təbii ki, bu da özü müəyyən tələb formalaşdırır. Eyni zamanda ötən il müqayisədə ölkəyə səfər edən əcnəbilərin sayında təqribən 30 faiz artım müşahidə edirik. Bu da pərakəndə ticarət mərkəzlərinin dövriyyələrinə öz təsirini göstərir. Biz struktura baxdıqda görürük ki, əvvəlki dövrlə müqayisədə artımı şərtləndirən əsas faktor geyim və texniki avadanlıqlardır".

Ətraflı"Xəzər Xəbər"in süjetində:

Telegramda izləyin