Uşaqlar oruc tuta bilərmi? - VİDEO

11 ayın sultanı olan Ramazanda böyüklər ilə yanaşı, uşaqlarda oruc tutmaq istəyirlər. Buna onları bəzən valideynləri məcbur edir, bəzən də öz istəkləri ilə edirlər. Ancaq bu addım onların səhhəti üçün uyğun olmaya bilər. Bəs orqanizmi inkişaf dövründə olan azyaşlılara oruc tutmaq olarmı?

Sonxeber.az xəbər verir ki, qa qida mütəxəssisi Məhsəti Hüseynova "Apa TV"yə açıqlama verib. O deyir ki, yaşından asılı olmayaraq oruc tutan hər kəs həkim məsləhəti almalıdır.

"Yüksək risk qrupuna aid olan insanlar var ki, onların oruc tutmaği məsləhət görülmür. Belə ki, azyaşlılar, xroniki xəstəlikdən əziyyət çəkən insanlar bu kateqoriyadadır. Əgər oruc tutulacaqsa, həkimlərin və peşəkarların məsləhəti ilə tutulması tövsiyə olunur. Əgər sağlamlığı yerində və immuniteti yüksəkdirsə, sahurda və iftarda balanslı qidalanırsa, bu zaman həmin insanların oruc tutmasında heç bir təhlükə görülmür".

Qida mütəxəssisi qeyd edib ki, bəzən orucu arıqlamaq vasitəsi kimi istifadə edənlər var.

"Məktəblilər və 18 yaşından aşağı olan insanlar orucun mahiyyətini anlamadan çəki atmaq üçün tuturlar. Bu tamamilə yolverilməzdir. Ancaq yenə də bu yaşa görə dəyişdiyi üçün mütləq şəkildə məktəblilərin, azyaşlıların oruc tutması tövsiyə olunmur".

Ətraflı "Apa TV"nin süjetində:

Telegramda izləyin