Həkimlərin pensiya yaşı 5 il azaldılır? - AÇIQLAMA

Xəbər verdiyimiz kimi, yeni dəyişikliyə əsasən, kişilərə münasibətdə qadın vəfat etdiyi və uşağın kişinin himayəsində olduğu və növbəti ailə qurduğu halda da kişilərin tələb olunan şərtlər daxilində 5 il erkən pensiya hüququ tanınacaq. Bu Milli Məclisin Əmək və sosial siyasət komitəsinin ötəngünkü iclasında birinci oxunuşda müzakirəyə çıxarılan "Əmək pensiyaları haqqında" qanuna dəyişiklik layihəsində öz əksini tapıb. Azərbaycanda 65 yaşına çatmış həkimlər təqaüdə göndərilir. Bu Baxımdan Azərbaycnda həkimlərin pensiya 5 il azaldıla bilər?

Mövzu ilə bağlı onkoloq-həkim, tibb elmləri doktoru, professor Adil Qeybulla Sonxeber.az-a açıqlama verib:

"Hər halda həkimlərin pensiya yaşının endirilməsi bir təklifdir. Nəzərə alaq ki, həkimlərin işi çox ağırdır. Lakin bunun reallaşması məsələsi var. İkinci tərəfdən mən düşünürəm ki, həkimlərin daha çox dövlət qulluğuna keçirilməsi daha məqsədəuyğun olardı. Bir sıra ölkələrdə bu proses həyata keçirilib. Həkimlərin, alimlərin, ali məktəb müəllimlərinin dövlət qulluğuna keçirilməsi və onların gələcəkdə pensiya təminatı, sosial müdafiəsi üçün daha uğurlu elementlər olardı. Pensiyasının yaşının etdirilməsi əvəzinə belə işlər görülə bilər. Baxmayaraq ki, bu da bir təklifdir. Hesab edirəm ki, həkimlərin pensiya yaşının azaldılması, bir sıra məqamları çətinləşdirəcək. Həkimlərin təcrübəli yaşda pensiyaya göndərilməsi, onların təcrübəsindən istifadə imkanlarını azaldacaq. Burada ixtisaslaşmış mütəxəssislərdən gedir. Ona görə də bu təklifi dəyərləndirərkən bu məsələlər sosial nəticələrini nəzərə almaq lazımdır".

Sevda Səfərova

Telegramda izləyin