"Xocalıda aşkar olunan insan qalıqları erməni vəhşiliyinin və vandalizminin sübutudur" - DEPUTAT

Xəbər verdiyimiz kimi Xocalıda kütləvi məzarlıqda aşkar edilmiş insan qalıqlarının sayı 18-ə çatıb. Aşkar edilmiş meyitlər 25 ildən çox müddətə aiddir.

Bununla bağlı Sonxeber.az-a danışan deputat İqbal Məmmədov bildirib ki, Xocalıda aşkar olunan insan qalıqları erməni vəhşiliyinin və vandalizminin sübutudur:

"Tarix boyu ermənilər azərbaycanlılara qarşı misli görünməmiş vəhşiliklər törədiblər. Ermənilərin Azərbaycan xalqına qarşı yürütdüyü misli görünməmiş etnik təmizləmə və soyqırımı siyasəti nəticəsində soydaşlarımız min illər boyu yaşadıqları tarixi torpaqlarından didərgin düşüb, kütləvi qətl və qırğınlara məruz qalıb. Ermənilər 30 il işğal altında saxladıqları Azərbaycan torpaqlarında müxtəlif vəhşiliklər törədərək həmin ərazilərdəki infrastrukturu, sosial binaları, evləri tamamilə dağıdaraq yerlə yeksan ediblər. Eləcə də ermənilər tarixi, dini və mədəni abidələrimizi də tamamilə məhv ediblər. 44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə Azərbaycan ordusu torpaqlarımızı erməni işğalından azad etdi. İşğaldan dərhal sonra həmin ərazilərdə böyük yenidənqurma və bərpa işləri başlanıldı. Azərbaycan bu işləri öz daxili resurslaerı hesabına həyata keçirir".

Deputat qeyd edib ki, Ermənistanın işğalından azad edilmiş ərazilərimizdə aparılan bərpa-quruculuq işləri zamanı aşkarlanan kütləvi məzarlıqlar da erməni vəhşiliyini təsdiqləyir:

"Xocalıda, Kəlbəcərdə, Başlıbel kəndində, Xocavəndin Edilli kəndində, Fərrux yüksəkliyi yaxınlığında aşkarlanan kütləvi məzarlıqlar da erməni vəhşiliyini sübut edən dəhşətli faktlardır. Faşizm və işğalçılıq siyasətinin dövlət səviyyəsində dəstəkləndiyi Ermənistanın Azərbaycana qarşı irəli sürdüyü ərazi iddiaları səbəbilə baş verən qırğınlar nəticəsində minlərlər soydaşımız qətlə yetirilib. Erməni qəddarlığının qurbanı olan soydaşlarımızın qanı yerdə qalmadı. Ali Baş Komandan İlham Əliyevin rəhbərliyi ilə Müzəffər Azərbaycan Ordusu bütün şəhidlərimizin qanını yerdə qoymadı və qətlə yetirilmiş soydaşlarımızın intiqamını aldı. Erməni barbarları törətdikləri hərbi cinayətlərə görə beynəlxalq məhkəmə qarşısında da cavab verəcəklər".

Telegramda izləyin