"Əminəm ki, cənab prezident İlham Əliyevlə bütün bayramlarımızı böyük zəfər hissi ilə qeyd edəcəyik" - Emil Əkbərov

"Bu il Novruz bayramı bizim üçün daha qiymətli və dəyərlidir".

Bunu Sonxeber.az-a danışan "BİG Media"MMC-nin direktoru Emil Əkbərov deyib.

Emil Əkbərov qeyd edib ki, bu gün cənab prezident İlham Əliyev Xankəndi şəhərində Novruz tonqalını alovlandırıb:

"Bu gün Azərbaycan xalqı tək Novruz bayramını deyil, həm də əldə etdiyi böyük zəfəri qeyd edir. 4 ildir ki, tək Novruzu deyil, bütün bayramları qalib xalqın nümayəndələri kimi qeyd edirik. 30 il ərzində xalqımızın tək arzusu vardı, o da gələn il bayramlarımızı Qarabağda və digər işğal olunmuş torpaqlarda qeyd etmək. Ali Baş Komandanın rəhbərliyi ilə Müzəffər Ordumuz xalqımızın bu arzusunu reallaşdırdı. Artıq bir zamanlar bizim üçün xəyal olan arzularımız artıq realdır. 33 ildən sonra ilk dəfə Xankəndi şəhərində Novruz tonqalını alovlandı. Öz ata-baba yurduna qayıdan Soydaşlarımız bayramı böyük coşqu və sevinc hissi ilə qeyd edirlər".

Emil Əkbərov vurğulayıb ki, Novruz bayramı həmrəylik bayramıdır:

"Bu gün bir çox keçmiş məcburi köçkünlərimiz 30 ildən sonra Novruz bayramını doğma yurdlarında qeyd edəcək. Bu il xalqımız Novruz bayramını daha böyük coşqu və həyəcanla qeyd edəcək. Bu gözəl bahar bayramı münasibəti ilə başda cənab prezident İlham Əliyev və Azərbaycanın Birinci vitse-prezidenti Mehriban xanım Əliyeva olmaqla xalqımızı təbrik edir, bol ruzi-bərəkət arzulayıram. Əminəm ki, cənab prezident İlham Əliyevlə bundan sonra da bayramlarımızı böyük zəfər hissi ilə qeyd edəcəyik".

Telegramda izləyin