Yeni virus yayılır: Gözdə yanma, qızartı və ağrı- VİDEO

Son günlər insanlar arasında yeni virusun yayıldığı deyilir. Amma bu virusun digərlərindən fərqi gözdə müşahidə olunmasıdır. Əsas əlamətləri gözdə yanma, qızartı və ağrıdır. Həm uşaqlarda, həm də böyüklərdə rast gəlinir.

Sonxeber.az xəbər verir ki, "ARB Xəbər" vətəndaşlar arasında sorğu keçirib. Bildirilib ki, bağçalarda, uşaqlar arasında bu virusa rast gəlinir.

Əczaçılar deyir ki, son günlər eyni şikayət ilə müraciət edənlərin sayı artıb:

"5 pasiyentin 4-ü bu xəstəlik ilə bağlı müraciət edir. Qıcıqlanma, yanma və göz yaşarması ilə bağlı şikayət edirlər. Biz də yazılan reseptə uyğun dərman veririk. Əvvəllər də var idi, amma son günlər bu xəstəliyə yoluxanlar daha çox artıb".

Göz həkimləridə virusun yayıldığını təsdiqləyir. Amma deyirlər ki, narahatlığa əsas yoxdur. Sözügedən infeksiya fəsil dəyişikliyi ilə əlaqədar tez-tez müşahidə olunur:

"Qrip əlamətləri üzə çıxmamış gözdə qızarma ola bilər. Fəsil dəyişkənliyidir və allergiyalar çoxalıb. Bunu biz birbaşa allergiyalar ilə əlaqələndiririk".

Həkimlərin sözlərinə görə, virusun aşkarlandığı şəxslərdən bəziləri əvvəllər qızılcaya yoluxanlardır.

Ətraflı "ARB Xəbər"in süjetində:

Telegramda izləyin