Qarabağı tərk edən ermənilər GERİ QAYIDIR? - AÇIQLAMA

Ermənistan müvafiq iddialar ilə Azərbaycanı Beynəlxalq Ədalət Məhkəməsinə verib. Belə ki, Ermənistan regionu tərk edən ermənilərin Qarabağa geri qaytarılmasını və həmin ermənilərin özlərinə tabe olmasını istəyirlər. Bununla yanaşı regionu tərk edən ermənilərin qayıtmayacaqları təqdirdə Azərbaycandan onlara qaçqın statusunun verilməsini tələb edirlər. Bəs məhkəmə qərarı ilə Ermənistanın tələbləri yerinə yetirilə bilər?

Mövzu ilə bağlı Sonxeber.az-a danışan Turab rzayev deyib ki, Ermənistan Beynəlxalq Ədalət Məhkəməsi bu yaxud digər məsələlərdə müraciət etməkdə sərbəstdir:

" Onların qaçqın məsələsini gündəmə gətirməkləri isə ilk hal deyil. Burada Azərbaycanı ittiham edirlər ki, guya Qarabağın erməni sakinlərinə etnik təmizləmə aparılıb. Əlbəttə ki, bütün bunlar reallığı əks etdirmir. Dünya ictimaiyyətinin gözü qarşısında biz həmin ailələrə Azərbaycan ərazisində qalmağı təklif etdik. Öz vətəndaşımız olacağı təqdirdə imtiyazlar əldə edəcəklərini bildirdik. Amma onların seçimi Ermənistan tərəfindən oldu və Azərbaycan ərazisini tərk etdilər. Azərbaycan tərəfi Qarabağı tərk edən erməni sakinlərin qərarına hörmətlə yanaşdı. Bunu Azərbaycanın əleyhinə istifadə etmək doğru bir addım deyil. Çünki hansı şəkildə Azərbaycanı bununla ittiham edirlər. Əlbəttə ki, həmin şəxslərə qaçqın statusu verə bilərlər. Onların hüquqi statusu müzakirə oluna bilər. Onların Azərbaycan ərazisinə qaytarılması ilə bağlı hansısa addımın həyata keçiriləcəyini düşünmürəm. Çünki Beynəlxalq Ədalət Məhkəməsinin belə bir mexanizmi yoxdur. Böyük ehtimalla Azərbaycanın bununla bağlı şərtləri olacaq. Ermənistan ilk dəfə deyil ki, Azərbaycanı bu məhkəməyə verir. Demək olar ki, hər həftə bir məsələ qaldırırlar. Bu məsələdə Ermənistanın xeyrinə bir qərar veriləcəyini düşünmürəm. Maksimum Ermənistan bu məhkəmələrı həmin şəxslərə və müvafiq strukturları ilə bağlı yardım almağa hesablanıb.

Telegramda izləyin

instagramda izləyin