Yetənə yetib, yetməyənə daş atanların cəzasını kim çəkəcək? - VİDEO

Nə qədər təəssüf doğuran bir hal olsa da, valideynlər övladlarının törətdiyi əməllərə görə cəza çəkməli olacaqlar. Özü də nə az, nə çox 5-10 min avro dəyərində. Məsələnin kökündə isə 3 yeniyetmənin Azərbaycan Dəmir Yollarına məxsus qatarlara vurduğu ziyan dayanır.

Ötən həftə 2 gün ərzində 3 dəfə qatarların daşlanması hadisəsi baş verib. Belə ki, qatarlar Bakı-Sumqayıt-Bakı relslərindən hərəkət edərkən, Sabunçu rayonu ərazisində daşlanıb.

Sonxeber.az xəbər verir ki, məsələ ilə bağlı ADY-nin mətbuat katibi Sənubər Nəzərova "Aztv Xəbər"ə açıqlama verib:

"Bu məsələləri daha qabartmağa, belə halları törədənlərə ictimai qınağın formalaşması istiqamətində işlər görülməlidir. Xüsusilə Abşeron rayon dairəvi dəmiryolu xətti ətrafında fəaliyyət göstərən orta məktəblərdə görüşlər keçiririk. Eyni zamanda xeyli sayda bununla bağlı məktəbləri maarifləndiririk. Biz buradan çağırış etmək istəyirik ki, digər yeniyetmələr də diqqətli olsunlar. Bilsinlər ki, bizim qatarlara dəyən maddi ziyan onların özünün yaxud həddi-buluğa çatmışdılarsa özləri tərəfindəm, azyaşlıdılarsa onların valideynləri tərəfindən qarşılanır. Qeyd edək ki, qatarlarımız İsveçrə istehsalıdır. Bu baxımdan kifayət qədər bahalı qatarlardır".

Ətraflı "Aztv Xəbər"in süjetində:

Telegramda izləyin