Bakıda dava edən qonşuları ayıran qadın boğazından bıçaqlanıb

Bakıda qonşular arasında dava zamanı bir nəfəri bıçaqlamaqda şübhəli bilinən şəxs saxlanılıb.

Bu barədə APA-ya Daxili İşlər Nazirliyindən (DİN) məlumat verilib.

Qeyd olunub ki, əməli törətməkdə şübhəli bilinən Vüsal Məhəmmədli saxlanılıb.

"Xəsarətlərin dərəcəsini müəyyən etmək məqsədilə müvafiq ekspertiza təyin olunub. Hazırda ərazi üzrə polis orqanında araşdırma aparılır", - deyə nazirlikdən bildirilib.

23:57

Bakının Sabunçu rayonunda iki qonşunun davası bir qadının ağır xəsarət almasına səbəb olub.

APA xəbər verir ki, hadisə Balaxanı qəsəbəsində qeydə alınıb.

Sözügedən qəsəbədə küçədə iki qonşu qadın əlbəyaxa olub. Həmin vaxt onların qonşusu 1978-ci il təvəllüdlü Rübabə Teyyub qızı Əliyeva onları sakitləşdirmək istəyib.

Tərəflər arasında davanın qarşısını almaq istəyən R.Əliyeva boğaz nahiyəsindən bıçaqlanıb.

Yaralı Sabunçu Tibb Mərkəzinə yerləşdirilib.

Faktla bağlı araşdırma aparılır.

Telegramda izləyin