Zelenski Putinin niyə nüvə silahından istifadəyə cəsarət göstərməyəcəyini izah etdi...

"O, nüvə silahından istifadənin bütün nəticələrini əla başa düşür..."

"Rusiya diktatoru Putin Ukraynaya qarşı müharibədə faktiki olaraq nüvə silahından istifadə etməyə cəsarət göstərməyəcək".

Moderator.az xəbər verir ki, bunu Ukrayna prezidenti Vladimir Zelenski deyib.

Onun sözlərinə görə, Qərbin Putinin nüvə silahından istifadə etməsi qorxusu şişirdilmişdir. Zelenski deyib ki, Rusiya diktatoru "məntiqsizdir", lakin Ukraynaya qarşı nüvə silahından istifadə etmək niyyətində deyil.

"O, irrasional, məntiqsiz ola bilər, amma öz həyatını sevir",- deyib Zelenski.

Prezident qeyd edib ki, Rusiya diktatoru nüvə silahından istifadənin bütün nəticələrini əla başa düşür. Bu sulahdan istifadə etdikdən sonra onun üçün "qapı tamamilə bağlanacaq".

"Çünki nüvə silahından istifadə qırmızı xətt deyil. Bu fərqli səviyyədir... Bu, III Dünya müharibəsidir", - deyə Prezident vurğualyıb.

Telegramda izləyin