"Dəfn pulu" işləməyən şəxslərə VERİLƏ BİLƏR? - AÇIQLAMA

Milli Məclisdə bəzi kateqoriyadan olan vətəndaşlara dəfn müavinətlərinin verilməsi təklif edilib. Bu təkliflə Milli Məclisinin Əmək və sosial siyasət komitəsinin sədri Musa Quliyev çıxış edib. O, işləməyən və ya sığorta məbləği az olan vətəndaşlara dəfn müavinətinin verilməsini təklif edib. Bəs işləməyən şəxslərə də dəfn müavinəti verilə bilər? Sözügedən müavinət üzrə artımların olması gözləniləndir?

Mövzu ilə bağlı Sonxeber.az-a danışan iqtisadçı Xalid Kərimli deyib ki, mövcud qanunvericiliyə görə, dəfn pulu işsizdən sığorta ödənişi alan, sığorta olunan şəxslər vəfat etdikdə verirlər:

"İşsizdən sığorta ödənişi alanlar isə vaxtilə işləyənlərdir. 500 manat əmək pensiyaçıları vəfat etdikdə, əmək pensiyaçının minimum 3 misli məbləğində verilir. Əmək pensiyasının minimum məbləği 280 manatdır. Əmək pensiyaçıları vəfat etdikdə 840 manat verilir. Amma işləyən yaxud işsizdən sığorta alan şəxslərə isə 500 manat verirlər. Bununla bağlı artım 2023-cü ilin əvvələrində olub. Bu baxımdan güman etmirəm ki, həmin məbləğ artırılsın. Çünki 2023-cü ilin yanvarından artım təyin olunub. Əmək və əhalinin sosial Müdafiəsi naziri bir təşəbbüs ilə çıxış edib. Bunu pulu məhdud şəxslər alır. Pensiyaçılar, işləyən və işsizlik müavinəti alan şəxslər bu pulu alır. Amma indi təklif edilir ki, işləməyən şəxslərdə alsın. Ümumillikdə yaxşı qərardır. Dəfn pulu birdəfəlik verilən məbləğdir. Əgər qəbul edilsə, ailələrin özünə də köməkdir. Məsələ ilə bağlı hələ müzakirələr gedir. Təşəbbüs varsa, böyük ehtimalla qərar kimi qəbul ediləcək. Müəyyən müddətdən sonra, qiymət artımlarına görə bütün ödənişlər və təqaüdlərə belə baxıla bilər. Amma 2024-cü il üzrə bununla bağlı addım atılacağına inanmıram".

Telegramda izləyin