"O nazirin yanına getdim, mənə kömək etdi və.."

"O nazirin yanına getdim, mənə kömək etdi və.."Teleaparıcı Aytən Leylaqızı Moderator.az-ın suallarını cavablandırıb.

-Aytən xanım, bu günlərdə "Speys" televiziyasında birlikdə çalışdığınız həmkarınız Zamirə Dadaşova telekanal rəhbərliyinə məhkəmədə qalib gəldi. Yəqin ki, siz də həmkarınıza dəstək olanlar sırasında idiniz..?

-Zamirənin uğuruna onun yanında olan hər bir kəs sevindi. Mən düşünürəm ki, haqq-ədalət öz yerini tapdı. Zamirənin əgər səhv bir addımı yoxdursa, niyə də qalib gəlməsin ki? Sona kimi də gedib, öz mərdliyini göstərdi! Onu alqışlayıram. Telekanala qayıdacaq yoxsa yox onu bilmirəm. Bu artıq öz seçimi olacaq. O ki, qaldı mənim "Speys" lə əlaqələrimə.. Bu haqda ümumiyyətlə heç nə danışmaq istəmirəm! Bircə onu deyə bilərəm ki, ora illərimi həsr etdim, veriliş ərsəyə gətirdim və kimlərsə hazıra-nazır gəldilər. Həyatdır da. Həyat bumeranqdır. Yaşayıb nələr görəcəyimiz hələ qarşıdadır. Pis insanları görüb həyatdan küsmək olmaz. Həyatda çətinliyim olsa da Allah hər zaman üzümə qapı açıb. Necə ki, illər əvvəl nazirlərimizdən birinə problemimlə bağlı müraciət etdim və o da yardım əlini uzatdı. Allah ona ömür versin. Onun yaxşılığını unutmaram. İşimin düzəlməyi mənim üçün möcüzə oldu.

-Mədəniyyət telekanalında da səhv etmirəmsə aparıcılıq etmisiniz...

-Orada "Səhər çağı" verilişinə aparıcılıq edirdim. Dövlət kanalı idi, tam başqa format idi. Mən canlı verilişləri sevirəm. Ətrafımda olan dost-tanış deyir ki, Aytən, sən canlı veriliş üçün yaranmısan. Zapis verilişə də çəkiləndə elə danışıram ki, sanki canlı efirdir. Bu da işimi sevməyimdən irəli gəlir. Əslində özümü heç vaxt şou sahəsində görməmişəm. Düzdür, dostlarımız var, çörək kəsmişik, salamlaşıb görüşürük, amma şou-biznesdən kənaram.

-Niyə hələ də efirlərdə sizi aparıcı kimi görmürük?

-Sözün düzü başım bir az qarışıqdır. Vaxt gələr səbəbini də deyərəm. Bir neçə telekanaldan dəvət gəldi, sadəcə olaraq özümü orada görmədim. Hiss etdim ki, o verilişlərin ömrü qısa olacaq. Həmin insanlara dostcasına yox dedim. Nə vaxtsa efirə qayıtsam uzunömürlü bir layihə ilə qayıdaram. Düzdür, efir məkanında savadlı aparıcılarımız da var. Amma aparıcıların 80 faizinin üzünə şans gülüb. Elə aparıcılar var ki, onları vaxtilə televiziyaya adi işçi kimi işə düzətmişəm, amma həyat üzlərinə gülüb və aparıcı olublar. Bəlkə də onların savadını araşdırsanız heç savadları belə yoxdur. Mənim yaxşılığımı itirənlər çox olub. Elələri var ki, onları tanış edib, ailə həyatı qurmaqlarına da səbəb olmuşam, amma sonradan onlardan özümə layiq olmayan münasibəti görmüşəm. Əslində bunları demək istəmirdim, sadəcə məcbur oldum. Bu münasibətimin qarşılığı belə olmalı deyildi.

-Tək şans deyil.. Əlbəttə ki, əksər hallarda tapşırıq və sevgili də rol oynayır.

-Bir insanı nə qədər tapşırmaq olar axı?! O insanın içində heç nə yoxdursa.. Zatən get-gedə ələnəcək. Tanınmaq başqadır, sevilmək başqa! Mən istəmirəm bütün Azərbaycan məni tanıyıb mənfi rəylər yazsınlar. Məni 10-15 insan istəsin, amma sevərək istəsin, xoş sözlər yazsınlar. Heç kimlə qalmaqalım olmayıb, açıq-saçıq danışmamışam, gündəmi zəbt edəcək açıqlamalarım olmayıb. Bunu edə bilmərəm, özümə görə çərçivələrim var. Öz mərdliyimi də, haqlı olduğum tərəflərimi də çox sevirəm. Heç vaxt yaltaq olmamışam, heç kimə quyu qazmamışam. Hər kəsə dəstək olmağa çalışmışam. Bəlkə də Allah məni özü kənara çəkib ki, kimin kim olduğunu yaxşı bilim. Ona görə də özümlə fəxr edirəm.

-"Xəzər dairəsi" verilişində efirə çıxıb, əri tərəfindən atılan qadına dəstək olmağınızı çox qınadılar ki, gərək aşkarda yox, gizlində bu yardımı edərdi..

-Qadın əri tərəfindən atılmışdı, qucağında da çiləsi çıxmayan uşağı var idi. Qadın çox çarəsiz idi, həmişə də çarəsizlərin, zəiflərin yanında olmaq istəmişəm. Vəkil Şəfiqə xanıma qarşı bir az aqressivləşib verilişə zəng edib dedim ki, ona deyin xanımın üstünə çox getməsin. Mənə təklif etdilər ki, bəlkə verilişə gələsən? Dedim ki, xeyr, pulu verib gedəcəm, verilişə çıxmaq istəmirəm. Lalə xanım Azərtaş dedi ki, xeyr, gəlib pulu canlı efirdə təqdim etsin. Utana-utana gəlib pulu həmin xanıma təqdim etdim. Bir az Şəfiqə xanımla sözüm çəp gəldi. 2-3 efirdən sonra gedib könlünü aldım. Burdan dostlarıma da demək istəyirəm ki, sağ olsunlar ki, o qadına kömək etməkdə mənə yardımçı oldular.

-Həyatınızın dönüş nöqtəsi nə vaxt olub?

-Anamı 2012-ci ildə itirmişəm. Cəmi 26 yaşım var idi. Televiziyadakı dostlarım o illərdə mənə dəstək oldular. Amma bu qəlbimdə bir yaradır, köz də bağlasa sağalmır. Evin üçüncü övladı olmuşam, hər yerə də onunla getmişəm. Qəfil bildik ki, xəstədir, 1 ilin içində dünyasını dəyişdi. Allah heç bir kəsi valideynləri ilə sınağa çəkməsin. O illərdə yaşadığım travma indi də mənimlədir. Anamı itirdiyim gündən sonra böyüməyə başladım. Anamın adını televiziyada özümə təxəllüs götürmüşəm. Bəzən rəylərdə müzakirələr təxəllüsümlə bağlı olur. Bizim izləyicilər səbəbi bilmədən fikir bildirməyi çox sevirlər. Bir araşdırın, görün ki, bu qız niyə o adı götürüb?! Şərhlər məni o qədər məyus edir ki, bəlkə də buna görə müsahibələrdən qaçıram. Elə məqamlar olub ki, həyatdan küsmüşəm, incimişəm. Bitdi dediyim yerdə yenidən başlamışam. Quyunun dibinə düşmüşəm, özüm-özümü ordan qaldırmışam. İşsizlik əlbəttə ki, məni sıxır, depressiyaya salır, küsürəm, inciyirəm, özümə qapanıram. Hazırda tədbirlərə, toylara aparıcı qismində dəvət alıram, amma televiziyanın yeri mənim üçün başqadır. Az əməkhaqqı alsaq da televiziyanı sevirəm. Televiziyanın spesifik qoxusu var, onu yalnız orada çalışan insanlar bilir.


Sonxeber.az Telegramda izləyin instagramda izləyin
  Baxılıb: 1993   Tarix: 24 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

"Azərbaycan Dəmir Yolları" cərimələnir

"Azərbaycan Dəmir Yolları" QSC-yə inzibati protokol yazılıb. -ın xəbərinə görə, Dövlət Gömrük Komitəsi QSC barəsində protokolu İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdə

30 may
.

Qəbul imtahanlarında olan bu fənlər LƏĞV OLUNUR?- VACİB AÇIQLAMA

Bu gün Azərbaycanda tətbiq edilən imtahan modeli ilə bağlı ciddi narazılıqlar var. Bu baxımdan şagirdlər və abituriyentlər bütün vaxtlarını həmin imtahanlara hazırlaşmaqla keçirirlər. Bu bu baxımdan ali təhsil müəssisələrinə keçirilən qəbul imtahanlarında hansı fənlər ləğv oluna bilər? . Mövzu ilə bağl

24 may
.

Azərbaycanda kataloqdan "ər" seçmək: Bu biznesdən XƏBƏRİNİZ VAR? - ARAŞDIRMA

Bu gün Azərbaycanda boşanmaların artdığı, nikahların isə azaldığı zamanlara gəlib çıxmışıq. Son statistikalarda bildirilib ki, Azərbaycanda boşanmaq istəyənlərin 70 faizi qadınlardır. Kimisi zorakılığa məruz qaldığından, kimisi psixososial durumdan, kimisi isə kənar müdaxilələrdən çıxış yolunu boşanmaqd

24 may
.

Abşeronda 11 yaşlı məktəbli itkin düşüb

Ötən gün Abşeron rayonunun Hökməli kəndində 11 yaşlı məktəbli itkin düşüb. xəbər verir ki, bununla bağlı sosial şəbəkədə məlumat yayılıb. Qeyd olunub ki, 11 yaşlı qız Hökməli kəndindən avtovağzala gəlmək üçün 156 saylı avtobusa minib. "Avtovağzaldan isə 91 saylı avtobusla 299 nömrəli məktəbə getməl

30 may
.

Astara xəstəxanasında komada olan uşağa biganə yanaşılıb? - İDDİA

Övladını müalicə üçün İrana aparan ata indi onu Bakıya qaytara bilmir. "Xəzər Xəbər"ə müraciət edən Neftçala rayon sakini Yaqub Sadıqov bildirib ki, qızılca virusuna yoluxan övladını əvvəlcə normal vəziyyətdə Bakıdakı xəstəxanalardan birinə aparıb. Ancaq sonradan oğlunun səhhəti kəskin pisləşib

29 may
.

0₼ çatdırılma haqqı və 50%-ə qədər endirimlər - 30 iyuna qədər xüsusi olaraq Wolt+ abunəçiləri üçün!

Nahara sevdiyiniz yeməyi sifariş etmək istəyirsiniz? Yoxsa dostlarınızla futbol matçına baxmağı planlayırsınız? Wolt+ ilə indi hər şey daha sərfəli!. Wolt+ abunəliyi 6 km-ə qədər olan sifarişlərdə 0₼ çatdırılma haqqı təklif edir. Bu yay, Wolt+ abunəliyi xüsusi təkliflər və 50%-dək endirimlərlə mövsüm

10 iyun
.

16 yaşlı azərbaycanlı dəstə yaratdı: dinc sakinlərə basqınlar, məktəbli qızlara sataşmaq...

Lipetskdə yaşayan yeniyetmənin sosial şəbəkələrdə odlu silah və Azərbaycan bayrağı olan fotoşəkillinərə rast gəlmək olar. -ın xarici mediaya istinadən məlumatına görə, Şəhər sakinləri bu təhlükəli qruplaşmadan daim qorxu içindədirlər, dəstə təhqir və döyülmə səhnələrini kameraya çəkir. İddiaya görə

28 may
.

Azərbaycanda pişiyin ayağını CADU ÜÇÜN KƏSİBLƏR - VİDEO

Gəncə sakini öz evinin qapısını sahibsiz və yaralı heyvanlar üçün açıb. 45 yaşlı Küşvər Məmmədova xəstəliyi olan hər hansı bir yara almış heyvanları öz evində müalicə edir. Bu xanım həmin heyvanlar sağaldıqdan sonra onlara sahiblik edir. xəbər verir ki, Azərbaycan Dövlət Aqrar Universitetinin baytarlı

6 iyun
.

Estoniya Prezidenti SÖZ VERDİ: "Rusiyanı diz çökdürmək üçün..."

"Kollektiv Qərbin və xüsusən də Estoniyanın əsas vəzifəsi Ukrayna üzrə sülh danışıqlarına başlamaq üçün Rusiyanı diz çökdürməkdir". xəbər verir ki, bunu Estoniya Respublikasının Prezidenti Alar Karis deyib. "Biz Rusiyanı və Putini diz çökdürmək üçün hər şeyi edəcəyik", – Karis YL

27 may