Bakının "basabas biznesi"nin arxasında kim durur? – "Buna cavab verə bilmərik" - VİDEO

Xəbər verdiyimiz kimi, Bakıda qadın avtobusdan yıxılaraq ölüb. Hadisə Zabrat qəsəbəsində baş verib.Sarvan Məhərrəmovun idarə etdiyi "Daewoo" markalı avtobusda 1964-cü il təvəllüdlü Tamella Cəfərova nəqliyyat vasitəsinin ön giriş qapısından təkərin altına düşüb.

Anlaşılan odur ki, günah sürücüdən olub. Hər halda araşdırmalar davam edir. Çünki avtobus hərəkətə başlayan zaman da nəqliyyat vasitəsinə minmək istəyənlər olur. O cümlədən nəqliyyat vasitələrindəki sıxlığa görə basabas vəziyyətdə ünvana çatmaq istəyənlərdən var.

Sonxeber.az xəbər verir ki, Bununla bağlı ən çox şikayət 175 nömrəli Hövsan avtobusları ilə bağlıdır. Vətəndaşlar problem ilə bağlı "Apa TV"yə danışıb:

" Ümumiyyətlə avtobusu arxa qapıdan açmır. Sonra gəlir öz yerində dayanır. Buna görə də insanlar bir-birini istər-istəməz tapdalayır. Avtobus gələndə daha çox təhlükə yaranır. Çox sıxlıq olur. Bir-birinin arxasınca gəlmir. Gələn zamanda çox gec gəlir. Bu baxımdan çox əziyyət çəkirik".

Avtobuslar kart sisteminə keçəndən sonra insanlarda bir rahatlıq yaranmışdı. Belə ki, artıq sürücülər qəpik üstündə bir-biri ilə ötüşməyəcəkdi. Qəzalı vəziyyət yaratmayacaq yaxud avtobusu gündəlik pul qazanmaq üçün sərnişinlər ilə doldurmayacaq. Bəs onları nə məcbur edir ki, avtobusları sərnişinlər ilə doldururlar?

Ətraflı "Apa TV"nin süjetində:

Telegramda izləyin