"Rusiyanın Qafanda konsulluq açmaqda məqsədi, Ermənistanı nəzarət altında saxlamaqdır" - Politoloq

"Yaxın vaxtlarda Ermənistanın Qafan şəhərində Baş konsulluğun açılmasını planlaşdırırıq". Bunu Rusiya xarici işlər nazirinin müavini Yevgeni İvanov deyib. "Ermənistanla yanaşı, Maldivdə də Baş konsulluğun açılmasına qərar verilib. Hazırda İndoneziyanın Bali adasında da analoji statusda diplomatik nümayəndəliyin fəaliyyətə başlaması üçün işlər aparılır. Hazırda bu məqsədlə son dərəcə nəhəng təşkilati-texniki işlər aparılır", – İvanov fikirlərini yekunlaşdırıb.

Məsələ ilə bağlı ilə bağlı politoloq Tural İsmayılov Sonxeber.az-a açıqlama verib.
Politoloq bildirib ki, Rusiya Ermənistandakı təsir dairəsini daha da genişləndirmək istəyir.

"Rusiyanın Ermənistanda konsulluq açmaq istəyinin səbəbi, Rusiyanın təsir dairəsinin zəifləməsinə görədir. Rusiya Ermənistandakı təsir dairəsini daha da genişləndirmək istəyir. Rusiya bu siyasətini müxtəlif diplomatik nümayəndəliklər və konsulluqlar vasitəsi ilə etmək niyyətindədir. Qərbin müəyyən casus şəbəkələrinin, eyni zamanda Qafan və digər strateji ərazilərdə fəallığı Rusiyanı belə bir addım atmağa məcbur edir.

Rusiya Ermənistanda konsulluq açmaqla Ermənistandakı müxtəlif dövlətləri və strukturları nəzarət altında saxlamağa çalışır. Eyni zamanda Ermənistandalı təsirini genişləndirmək və Rusiyaya qarşı olan siyasi fikirləri dəyişdirmək istəyir. Həm iqtisadi baxımdan Rusiyanın Ermənistana təsirləri çoxdur, hələ də Ermənistanda Rusiyanın hərbi bazası var. Rusiya Ermənistandakı konsulluqların sayını artırmağa çalışır".

Telegramda izləyin

instagramda izləyin